113

PD denoncon rast abuzimi me skemën e ndihmës ekonomike: Po iu jepet patronazhistëve

by
Aktualitet, Vendi

Partia Demokratike denoncon një rast në Bashkinë e Vaut të Dejës, ku pretendohet se administratorët e ndihmës ekonomike kanë larguar familje në nevojë nga skema ekonomike, duke i zëvendësuar me militantë të Partisë Socialiste.

Në deklaratën për shtyp, zëdhënësja e PD-së Floriana Garo tha se ky abuzim bëhet edhe më i rëndë nga fakti se ndihma ekonomike u hiqet nevojtarëve për tu kaluar militantëve të Rilindjes, kalon nga duart e shtrira të të varfërve tek duart patronazhistëve.

Zëdhënësja e PD thotë se kjo skemë është një këmbanë alarmi për institucionet e drejtësisë, të cilët duhet të dënojnë personat përgjegjës të këtij abuzimi me ndihmën ekonomike për Bashkinë Vau Dejës, duke filluar nga drejtuesit e Drejtorisë Rajonale të Shërbimit Social në Shkodër, të cilët sipas saj duhet të kontrollojnë çdo familje që përfiton ndihmë ekonomike.

Deklarata e plotë për shtyp: 

Në kushtet e një varfërie ekstreme, përballë braktisjes që shqiptarët po i bëjnë vendit çdo ditë, të abuzosh edhe me kafshatën e gojës, është krim.
Administratorët e Ndihmës Ekonomike të Bashkisë Vau Dejës, në një rast të paprecedent, kanë nisur largimin e familjeve në nevojë nga skema ekonomike, duke i zëvendësuar me militantë të Partisë Socialiste.
Partia Demokratike e denoncon me forcë këtë veprim kriminal në prag të festave të fundivitit. Keshtu, dhjetëra familjeve do t’u duhet të kalojnë natën e ndërrimit të viteve edhe pa atë lëmoshë që u jepte shteti deri dje.
Ky abuzim bëhet edhe më i rëndë nga fakti, se ndihma ekonomike u hiqet nevojtarëve për tu kaluar militantëve të Rilindjes, kalon nga duart e shtrira të të varfërve te duart e gjata të patronazhistëve.
Persona antinjerëzorë e antishqiptarë disa prej te cilëve prej vitesh jetojnë dhe punojnë jashtë vendit. Ky shpërblim u bëhet nga partia sepse janë pjesë e grupeve të manipulimit të votës, mercenarë që po përgatisin skemat e vjedhjes së zgjedhjeve më 14 Maj.
Kjo skemë është një këmbanë alarmi për institucionet e drejtësisë, të cilët duhet të dënojnë personat përgjegjës të këtij abuzimi me ndihmën ekonomike për Bashkinë Vau Dejës, duke filluar nga drejtuesit e Drejtorisë Rajonale të Shërbimit Social në Shkodër, të cilët duhet të kontrollojnë çdo familje që përfiton ndihmë ekonomike.
Kjo është një skemë e paramenduar me qëllime të patronazhimit politik.
Por varfëria nuk pyet për politikë dhe me përfituesit e ndihmës ekonomike nuk duhet të bëhen pazare politike.
Ky është një rekord i ri, turpi i qeverisjes vendore dhe qendrore të Rilindjes. Prerja e një lëmoshe në prag të festave është një akt çnjerëzor.
Jo vetëm ky abuzim, por edhe shumë të tjerë të kësaj bashkie, do ta gjejnë përgjigjen e merituar më 14 maj, kur populli i Vaut të Dejës, dhe gjithë Shqipërisë, do t’i thotë ndal bandës në pushtet, që për vete vjedh milionat, dhe patronazhistëve ju hedh thërrimet që u heq nga goja të varfërve.
*Tibo News 
33

Qeveria italiane i dha dritën jeshile pasditen e kësaj marte marrëveshjes së nënshkruar në 6 Nëntor në Romë mes kryeministrave Rama dhe Meloni për emigrantët. Mediat italiane kanë zbuluar detaje të reja nga mënyra se si do të ngrihet dhe funksionojë

by
Aktualitet, Politikë, Vendi
38

Dhuna në familje, braktisja dhe trafikimi i të miturve përbëjnë shumicën e numrit të krimeve të kryera kundër personit përgjatë vitit 2022. Një raport i INSTAT evidenton se gjatë vitit të shkuar janë regjistruar 2 078 vepra penale kundër fëmijëve, martesës

by
Aktualitet, Sociale, Vendi
36

Kryeqyteti shqiptar ka ndezur dritat e pemës, duke i dhënë në këtë formë mirëseardhjen muajit të festave të fundvitit. I pranishëm në momentin e ndezjes së dritave të pemës ka qenë kryebashkiaku Erion Veliaj, i cili në mes të fëmijëve ka

by
Aktualitet, Vendi