Pas ciklonit Gabrielle, Zelanda e Re është tronditur nga një tërmet masiv me magnitudë 6.3 që u ndje në të dy ishujt veriorë dhe jugor.

Lëkundjet e frikshme u ndjenë në kryeqytetin Wellington në ishullin verior të mërkurën në orën 19:38 me orën lokale, rreth 50 km në veriperëndim të Paraparaumu në një thellësi prej 48 km.

GeoNet e klasifikoi tërmetin të fortë, i cili tronditi ndërtesat për 30 sekonda dhe u pasua nga një tjetër me magnitudë 4.0, 20 minuta më pas.

Agjencia Kombëtare e Menaxhimit të Emergjencave të Zelandës së Re tha se nuk ka kërcënim për cunami dhe nuk raportohet për dëme të konsiderueshme.