Papa Françesku ka dhënë një mesazh urimi surprizë për popullin shqiptar, kryesisht për të rinjtë. Ai shfaqet në një video teksa shprehet:

Për ju të rinj shqiptarë, një urim të përzemërt. Punoni për atdheun që të përparojë. Atdheu ka nevojë për ju. Zoti ju bekoftë. Lutuni!

Thirrja e Papës i drejtohet të rinjve shqiptarë për të mos e kërkuar të ardhmen jashtë Shqipërisë, por ta krijojnë atë në vendin e tyre.

Papa Françesku ka pasur gjithmonë konsideratë të veçantë ndaj Shqipërisë dhe shqiptarëve.

Një vit pas zgjedhjes në krye të Vatikanit, në 2014-ën, Papa vizitoi Shqipërinë.

Papa ka planifikuar një vizitë në Kosovë, të parën ndonjëherë të një Pape, siç e konfirmoi në Gusht në një intervistë për mediat spanjolle.