Artistja Olivia Newton – John ka humbur sfidën kundër kancerit, duke ndërruar jetë në moshën 73-vjeçare.

 

Këngëtarja dhe aktorja australiane me origjinë britanike ishte më e njohur për interpretimin e Sandy in Grease, një nga muzikalët më të suksesshëm të filmave të realizuar ndonjëherë.

Ajo vdiq në fermën e saj në Kaliforni e rrethuar nga familja dhe miqtë.

Një aktore dhe muzikante, Newton-John arriti sukses komercial si këngëtare dhe shiti miliona disqe globalisht.

Megjithatë ishte roli i saj si nxënëse e shkollës së mesme Sandy në filmin “Grease” që e katapultoi atë në famë botërore.

 

Pas lajmit për vdekjen e saj, shumë fansa, si dhe figura të njohura, ndanë mesazhe dhe kujtime të përzemërta.

 

“Unë nuk e di nëse kam njohur një qenie njerëzore më të dashur. Olivia ishte thelbi i verës, dielli i saj, ngrohtësia dhe hiri i saj janë ato që më vijnë gjithmonë në mendje kur mendoj për të. Do të më mungojë pa masë,” – tha aktorja Stockard Channing, e cila luajti Rizzo-n në Grease.

Këngëtari Rod Stewart e quajti atë “zonja e përsosur, e mrekullueshme, me ekuilibër të madh dhe me njëfarë sofistikimi austriak”.

Prezantuesja e televizionit amerikan Oprah Winfrey tha : “Pozitiviteti i saj ishte thjesht infektiv. Do të të mungosh Olivia.”

 

“Ndikimi juaj ishte i jashtëzakonshëm. Të dua shumë. Do t’ju shohim gjatë rrugës dhe do të jemi të gjithë përsëri bashkë,” -shkroi Travolta në Instagram.

 

Fituese e katër çmimeve “Grammy”, Olivia gjithashtu ndërtoi edhe një karrierë të suksesshme muzikore, e njohur për këngët “I honestly love you” dhe “Physical”, duke u renditur në top listat e muzikës pop përgjatë viteve ’70-’80.