Rusia ka vendosur sanksione kundër presidentit amerikan Joe Biden, djalit të tij, Sekretarit të Shtetit Antony Blinken, zyrtarëve të tjerë amerikanë dhe individëve të lidhur me ta, njoftoi ministria e Jashtme ruse. Në deklatarë thuhej se kjo masë është pasojë e politikës jashtëzakonisht rusofob të ndjekur nga administrata aktuale e SHBA.

Ministria tha se do të preken edhe zyrtarë të tjerë amerikanë. Kjo lëvizje vjen pas sanksioneve që Perëndimi i ka vendosur Rusisë. Që me nisjen e pushtimit rus të Ukrainës, SHBA ka vendosur sanksione ndaj Putinit, zyrtarëve, dhe oligarkëve rus, si edhe sanksione të drejtpërdrejta ndaj Rusisë, kryesisht të karakterit ekonomik.

Lista e zyrtarëve të sanksionuar nga Rusia:

Presidenti i SHBA Joe Biden

Sekretari i Shtetit Antony Blinken

Sekretari i Mbrojtjes Lloyd Austin

Kryetari i Shefave të Përbashkët të Shtabit Gjeneral Mark Milley

Këshilltari i Sigurisë Kombëtare Jacob Sullivan

Drejtori i CIA-s, William Burns

Sekretarja e shtypit e Shtëpisë së Bardhë, Jen Psaki

Daleep Singh, zëvendës këshilltar i Bidenit për sigurinë kombëtare për ekonominë ndërkombëtare

Administratorja e Agjencisë së Shteteve të Bashkuara për Zhvillim Ndërkombëtar, Samantha Poëer

Djali i Presidentit Biden, Hunter Biden

Ish-sekretarja e shtetit Hillary Clinton

Zëvendës Sekretari i Thesarit Wally Adeyemo

Reta Jo Lewis, presidente dhe kryetare e bordit të drejtorëve të Bankës së Eksport-Importit