Shitjet me pakicë pësuan një rënie të ndjeshme në SHBA përgjatë muajit nëntor duke shënuar kështu rënien më të madhe në 11 muaj.

Rritja e kostove të jetesës, inflacioni dhe frika ndaj një recesioni në ekonomi kanë pasur ndikim të drejtpërdrejt në zgjedhjet e konsumatorëve.

Raporti nga Departamenti Amerikan i Tregtisë vjen pasi shitjet me pakicë pësuar një rritje përgjatë muajit tetor ndërsa nëntori solli një rënie me 0.6%.

Ndër sektorët e prekur nga rënia e shitjeve ishte tregu i automjeteve , elektronikës, mobilieve dhe mallrave sportiv duke përshirë këtu edhe dyqanet e librave.

Të vetmit që panë përmirësim të situatës për sa i përket shitjeve me pakicë  ishin restorantet dhe baret me një rritje prej 0.9%.

Gjithashtu tregu i punësimit në Amerikë është ngushtuar si pasojë e krizës por efekti pozitiv që solli muaji nëntor ishte rënia e aplikimeve nga qytetarët që kërkonin të përfitonin fonde si të papunë.

Kryetari i Rezervës Federale theksoi se tregu po mban pagat e punonjësve të larta pavarësisht se nuk po shtohen vendet e reja të punës.

Bankat në Amerikë rritën normat e tyre të interesit me 0.5% në një përpjekje të vazhdueshme për uljen e informacionit.

*TiboNews