AlbanianEnglish

“Mos blini dhe as mos i konsumoni çokollatat Kinder”

Mos blini dhe as mos konsumoni çokollatat në formë veze Kinder. Ky është njoftimi i AKU-së për të gjithë qytetarët shqiptarë, pas dyshimeve mund të kenë të bartur bakterin salmonelë. Së fundmi Agjencia Kombëtare e Ushqimit ka ndaluar në kufi një subjekt që kishte importuar një sasi çokollatash të tilla.  Në njoftimin e AKU-së thuhet se rastet e helmimeve nga Salmonela, janë konstatuar në Britani, ndërkaq, AKU thekson se po vijon monitorimet dhe verifikimet në terren, kryesisht në pikat e inspektimit kufitar.

Njoftimi i plotë:

Lidhur me evidentimin e disa rasteve helmimesh nga Salmonella në produkte çokollate në Britaninë e Madhe, pas njoftimit nga RASFF, AKU vijon monitorimet dhe verifikimet në terren dhe pikat e inspektimit kufitar.
AKU vijon procedurën e tërheqjes nga tregu të produkteve që RASSF ka evidentuar. AKU njofton dhe këshillon konsumatorët që të shmangin blerjen e produkteve të mëposhtme dhe nëse kanë blerë të mos konsumojnë produktet e listuara:
• KINDER SCHOKOBONS (të gjitha llojet e tyre)
• KINDER SCHOKOBONS të gjitha lotet për paketimin 125 g
• KINDER SORPRESA MAXI të gjitha lotet për paketimin 100 g
• KINDER MAXI MIX te gjitha lotet për paketimin 133 g
Në një pikë inspektimi kufitar është paraqitur subjekt për import produktesh çokollate Kinder dhe bazuar në kontrollin dokumentar e identitar rezultoi se ngarkesa kishte produkt, për të cilin kompania prodhuese ka njoftuar se duhet tërhequr nga tregu. Autoriteti Kombëtar i Ushqimit ka proceduar me refuzim në kufi për ngarkesën e kthim në vendin e origjinës.
Sigurojmë konsumatorët se drejtoritë rajonale dhe trupat inspektuese në terren dhe në pikat e inspektimit kufitar janë në monitorim dhe ndjekje të situatës dhe për çdo zhvillim do të kryhet njoftimi i konsumatorëve.

Faqja zyrtare e AKU. 

*Tibo News

You don't have permission to register