AlbanianEnglish

Matematikë me detyrim, plani i Rishi Sunak për nxënësit

Të gjithë nxënësit deri në moshën 18 vjeç duhet të mësojnë lëndën e matematikës, është ky plani i kryeministrit britanik Rishi Sunak. Në fjalimin e parë për vitin 2023, Sunak pritet të bëjë me dije prioritetet e qeverisjes së tij.

“Në një botë ku të dhënat janë kudo dhe statistikat mbështesin çdo punë, punët e fëmijëve tanë do të kërkojnë më shumë aftësi analitike se kurrë më parë. T’i lëmë fëmijët tanë të dalin në botë pa ato aftësi, do të thotë t’i zhgënjejmë ata“, thuhet në një pjesë të fjalimit të tij.

Sipas Sunak vetëm gjysma e 16-19 vjeçarëve studiojnë matematikë, por kjo shifër përfshin nxënësit që bëjnë kurse shkencore dhe ata që tashmë janë duke bërë përsëritjet e detyrueshme për në kolegj.

Ideja duket të jetë një aspiratë dhe jo një politikë plotësisht e zhvilluar dhe e papërcaktuar se si do të funksiononte. Sipas shifrave të qeverisë, rreth tetë milionë të rritur në Angli kanë aftësitë llogaritëse të fëmijëve të shkollave fillore, ndërsa 60% e nxënësve nuk kanë aftësi bazë matematikore në moshën 16 vjeç.

Qeveria britanike po përballet me një valë grevash, krizë të kostos së jetesës dhe presione të mëdha mbi shërbimin shëndetësor.

Gjatë fjalimit të tij, Sunak pritet të zgjerojë vizionin e tij për Mbretërinë e Bashkuar.

You don't have permission to register