Marc Anthony dhe Nadia Ferreira janë në pritje të një fëmijë. Çifti ndau lajmin e ëmbël në një postim të përbashkët në Instagram duke shkruar “Dhurata më e bukur e Shën Valentinit që mund të kishim ndonjëherë!!!”

Në foto duket barku i Ferreira-s, dora e saj dhe Anthony-t që e vendos mbi barkun e saj.

“Faleminderit Zot për këtë bekim të madh në jetën tonë”.

Njoftimi vjen më shumë se dy javë pasi këngëtari dhe ish-Miss Paraguaj, 23 vjeç, u martuan gjatë një ceremonie në Muzeun e Artit Pérez në Miami më 28 janar.

Miqtë e tyre më të ngushtë, duke përfshirë David dhe Victoria Beckham, Salma Hayek, Lin-Manuel Miranda dhe Luis Fonsi, ishin të gjithë në dasmën romantike.

Ylli i muzikës botërore dhe mbretëresha e konkursit ndezën thashetheme romantike pas një daljeje në Mexico City në 2022.

Ata konfirmuan lidhjen e tyre përmes Instagramit me një selfie të bërë në një aeroplan në mars të atij viti. “Zoti na shumëfishoftë gjithçka që dëshirojmë”. ka shkruar këngëtari “Më duhet të di” në mbishkrimin e postimit.

Ata shpallën fejesën e tyre në maj, vetëm tre muaj pasi u zyrtarizuan në Instagram.

Këngëtari 54-vjeçar ka një familje të madhe, duke përfshirë binjakët 14-vjeçarë Max dhe Emme nga martesa e tij e mëparshme me Jennifer Lopez. Anthony gjithashtu ka Cristian Marcus, 22, dhe 19-vjeçarin Ryan Adrian Muñiz me Dayanara Torres si dhe Ariana dhe Chase, 27, me Debbie Rosado.