AlbanianEnglish

Malta heq vaksinën për turistët, ç’duhet të keni për të udhëtuar

Autoritetet në Maltë kanë njoftuar se vendi së shpejti do të lejojë hyrjen për udhëtarët që janë shëruar nga sëmundja e COVID-19, si dhe për ata që së fundmi kanë bërë një test PCR.

Deri më tani, udhëtarëve u është lejuar hyrja pa kufizime në Maltë vetëm nëse kanë paraqitur një certifikatë të vlefshme vaksinimi. Megjithatë, pasi kanë marrë parasysh situatën aktuale COVID-19, autoritetet malteze kanë vendosur të lehtësojnë rregullat e tyre të hyrjes.

Faqja zyrtare e udhëtimit në Maltë, ‘Visit Malta’ shpjegon se duke filluar nga e hëna e 11 prilli, të gjithë udhëtarët që kanë një rezultat të vlefshëm të testit PCR ose një certifikatë rikuperimi do të lejohen të hyjnë në vend sipas të njëjtave rregulla si personat e vaksinuar.

“Nga e hëna, 11 prill 2022, turistët që udhëtojnë për në Maltë nga një vend në listën e kuqe do të lejohen të hyjnë me një test negativ PCR (të marrë deri në 72 orë para mbërritjes) ose një certifikatë të njohur rikuperimi nga Covid që nuk mund të më i vjetër se 180 ditë”, thuhet në deklaratën e Visit Malta.

Kjo do të thotë që të gjithë personat që nuk janë vaksinuar kundër virusit së shpejti do të jenë në gjendje të hyjnë në Maltë pa kufizime për të gjitha llojet e qëllimeve për sa kohë kanë një test negativ PCR të marrë brenda 72 orëve para mbërritjes ose një certifikatë rikuperimi.

Përveç vendosjes për të lehtësuar rregullat e hyrjes për udhëtarët që vijnë, Malta do të heqë gjithashtu disa nga kufizimet e saj vendase COVID-19. Nga e diela, udhëtarëve dhe qytetarëve të Maltës nuk iu kërkohet më të paraqesin një certifikatë të vlefshme vaksinimi kur marrin pjesë në evente të ndryshme.

Vendimi i Maltës për të lehtësuar rregullat e hyrjes dhe kufizimet kombëtare vjen pas shkallës së ulët të infeksionit brenda vendit dhe përmirësimit të situatës së COVID-19.

Sipas Organizatës Botërore të Shëndetësisë (OBSH), Malta ka regjistruar 4,497 raste të reja të infektimit me COVID-19 në shtatë ditët e fundit.

Sa i përket shkallës së vaksinimit, shifrat e Qendrës Evropiane për Parandalimin dhe Kontrollin e Sëmundjeve (ECDC) tregojnë se Malta ka administruar gjithsej 1,203,898 doza vaksinash deri më tani. Kjo do të thotë se që nga 5 prilli, 94 për qind e të gjithë popullsisë së rritur në Maltë ka përfunduar vaksinimin parësor dhe 79,4 për qind kanë marrë një dozë shtesë vaksine.

*Tibo News. 

You don't have permission to register