Këngëtarja ikonike Madonna ka bërë një tatuazh të ri duke ua treguar dizajnin fansave dhe ndjekësve të saj në rrjetet sociale dhe duke zbuluar kuptimin e tij. Ajo po nderon nënën e saj të ndjerë me një tatuazh në dorë me bojë të kuqe. Legjenda e muzikës 64-vjeçare ka postuar në Instagram tatuazhin e ri, i cili ka një ‘X’ në krye dhe fjalën ‘Maman’ që do të thotë nënë në frëngjisht. Në fund të dizajnit, Madonna shtoi një zemër të thyer dhe shkroi “Klubi i zemrave të thyera”.

Në një tjetër Story këngëtarja tregoi tatuazhin në kyçin e dorës, duke shkruar: “Ne të gjithë e kemi gjakun e njëjtë”. Tatuazhi duket se është një referencë për disa momente personale nëpër të cilat ka kaluar nëna e saj, ndërsa Madonna përfundoi duke shkruar: “Të gjitha nënave u thyhet zemra”.

Fituesja e Grammy kohët e fundit foli për marrëdhëniet e saj të mëparshme, duke përfshirë martesën e saj me Sean Penn nga viti 1985 në 1989 dhe martesën e saj me Guy Ritchie nga 2000 deri në 2008. Madonna zbuloi gjatë një interviste të fundit se ndoshta “nuk ishte ideja më e mirë”, duke iu referuar “martesës.