Zona e udhëtimit pa pasaporta në Evropë e njohur si Zona Shengen do të mirëpresë Kroacinë, por Rumania dhe Bullgaria kanë mbetur jashtë.

Vendet e BE-së votuan nëse do të pranojnë ose jo tre vendet në të ashtuquajturën zonë Shengen – një pakt midis vendeve për të hequr kontrollet kufitare për ata që udhëtojnë midis territoreve të tyre.

Kroacia mori mbështetje unanime nga 26 vendet anëtare të Shengenit.

Megjithatë, Austria bllokoi Rumaninë dhe Bullgarinë, duke përmendur mungesën e gatishmërisë. Holanda mbështeti ofertën e Rumanisë, por kundërshtoi atë të Bullgarisë.

Kroacia gjithashtu do të fillojë të përdorë euron nga janari i vitit të ri, 2023.

Kroacia është pjesë e Bashkimit Evropian që nga viti 2013, ndërsa Rumania dhe Bullgaria që nga viti 2007. Por deri më tani asnjëra prej tyre nuk ka qenë pjesë e Zonës Shengen.

Kjo do të thotë se është kërkuar një pasaportë ose kartë identiteti për të hyrë në këto vende, si dhe qytetarët e këtyre vendeve kur kanë udhëtuar në një vend të zonës Shengen.

Ai aktualisht përfshin 26 vende, duke përfshirë 22 shtete anëtare të BE-së dhe pothuajse 420 milionë qytetarë.

Nga 1 janari 2023, Kroacia do të heqë kontrollet kufitare me vendet e tjera të Shengenit.

Për momentin, vizitorët në Kroaci duhet të shkëmbejnë paratë e tyre pasi vendi do të vazhdojë të përdorë monedhën e vet, kunën, deri në janar të vitit të ardhshëm. Aktualisht, një kunë kroate vlen rreth 0,13 euro.

Por nga viti i ardhshëm Kroacia do fillojë të përdorë euron. Vendi i bashkohet 19 vendeve të tjera në bllok që përdorin monedhën.

Kombi i Evropës Lindore shpreson se kjo do të sjellë siguri më të madhe financiare për qytetarët dhe do të rrisë standardin e jetesës.

Gjithashtu pritet që të ndihmojë në frenimin e inflacionit në rritje, që do të thotë gjithashtu se udhëtarët mund të presin më pak ‘luhatje dramatike’ të çmimeve.

*Tibo News