Kriza ekonomike në të cilën sapo kemi filluar të futemi mund të sjellë një epokë të re të prishjeve të marrëdhënieve, falë tendosjes së stresit financiar.

Si pjesë e raportit për matjen e mirëqenies kombëtare në vitin, 2015, zyra Kombëtare e Statistikave në Britani zbuloi se njerëzit vendosën  paratë” në krye të listës së problemeve që ndikojnë negativisht deri në prishje të marrëdhënieve.

Në total, 62% e të anketuarve zgjodhën atë opsion si më të keqin, ndërsa të punuarit me orë të gjata doli në vendin e dytë me 40%.

36% menduan se tradhtia ndan çiftet, kështu që nëse çështjet e parave kombinohen me një lidhje, marrëdhënia pritet të përfshihen në shumë telashe.

Në vitin 2014, Washington Post botoi një artikull të titulluar ‘ekonomia e tradhtisë bashkëshortore’, në të cilin shkrimtari analizoi të dhënat nga një faqe takimesh për ata që kërkonin lidhje jashtëmartesore, ai tregoi se anëtarësimi u rrit me 166% në mbarë botën në vitin 2008, kur ne ishim në mes të një krize të rëndë financiare.

Tani, në mes të krizës së kostos së jetesës dhe me një dimër stresues me rritje të çmimeve të energjisë në horizont, ne mund të shohim një model të ngjashëm duke u shfaqur, me lidhje jashtëmartesore, me tradhti dhe hapje të faqeve për njohje, posaçërisht për njerëzit që janë tashmë të martuar, duke parë një 169% rritje në anëtarë të rinj në javët që përfundojnë në korrik dhe në fillim të gushtit.

Çfarë është stresi financiar që mund t’i shtyjë njerëzit drejt tradhtisë?

Ekspertja Hayley Quinn thotë: “Presioni financiar shpesh përmendet si arsyeja numër një për divorc dhe është e lehtë të kuptohet pse.

“Kur partneri nuk arrin të paguajë të gjitha shpenzimet, gjasat për tradhti nga partneri tjetër rriten. Mund të jetë gjithashtu e vështirë të ruash romancën kur netët e takimeve dhe pushimet bëhen përgjithmonë të papërballueshme. Kjo mund të shkaktohet nga nevoja për t’i shpëtuar realitetit kur jeta në shtëpi kuptohet që është bërë kaq stresuese, negative dhe madje toksike. Ankthi dhe frika na bëjnë të zemëruar, indiferentë, të mbingarkuar dhe të dëshpëruar, kështu që për çiftet, rezultati i kësaj mund të çojë në grindje të vazhdueshme, pakënaqësi, si dhe mungesë dashurie apo intimitet. Ndjenjat e të qenit i dështuar dhe jo mjaftueshëm i mirë bëhen konsumuese dhe vetëvlerësimi  bie.

Dëshira ose fantazia e mashtrimit krijon vërshime të hormoneve të lumturisë dhe ndjenja euforie, dhe ne do të jemi të turbullt nga realiteti i të qenit në një marrëdhënie serioze me atë person.

Për disa, mund të jetë hakmarrje, një mënyrë për të lënduar partnerin nëse janë lënduar. Një ndjenjë e madhe e të qenit në kurth mund të jetë gjithashtu në lojë – financat janë një faktor kaq i madh kontribues që njerëzit duhet të qëndrojnë në një marrëdhënie sepse nuk mund të përballojnë ndarjen. Për disa kjo është shkatërruese, pra arsyeja pse ata janë të bllokuar në marrëdhënie abuzive. Flirtimi mund të rrisë besimin, duke i bërë njerëzit të ndihen ‘të gjallë’ dhe të dëshiruar kur ndoshta këto ndjenja u kanë humbur me partnerin që kanë pranë. Në ato momente, ne nuk mendojmë për pasojat apo rreziqet që po marrim”.

Por, si mund të bëjnë njerëzit një përpjekje për të ruajtur ekuilibrin mes shqetësimit mbi paratë dhe prishjes së marrëdhënies?

-Si fillim, duhet të kuptoni se çfarë do të thotë paraja për ju.

-Për shumë njerëz, është më shumë sesa thjesht të paguani faturën e ngrohjes. Në fakt, paratë mund të lidhen me ndjenjën tuaj të sigurisë ose identitetin tuaj. Kjo do të thotë se ndërsa një partner mund të ndjejë frikë të vërtetë rreth humbjes së të ardhurave, një tjetër mund ta përjetojë këtë si një ndjenjë turpi, e cila përkeqësohet vetëm nga mendimi që partneri i tyre ndjen se nuk ka “mjaftueshëm”.

-Bëni çfarë mundeni për ta përballuar këtë bashkë, si ekip. Kjo mund të nënkuptojë hapjen e Excel për të bërë një listë me shpenzimet, dhe për të gjetur se si mund të ulni kostot së bashku. Nëse tashmë i keni ulur kostot, atëherë përpiquni të investoni kohën tuaj tek njëri-tjetri edhe nëse nuk keni një buxhet për të darkuar shpesh jashtë.

-Bëni një piknik dhe ecni në një vend ku nuk keni qenë kurrë më parë, fikeni telefonin dhe merrni kohën tuaj për të dëgjuar vërtet njëri-tjetrin ndërsa konsumoni diçka të gatuar në shtëpi.”

-Mos harroni; Komunikimi dhe puna në ekip janë kyçe për të shmangur situata të tilla që iu rrezikojnë vërtetë marrëdhënien.

*Tibo News