Kryeministri britanik Boris Johnson ka dhënë dorëheqjen pas dorëheqjeve të njëpasnjëshme ministrore.

Duke folur jashtë 10 Downing Street, Johnson tha se ai ishte “jashtëzakonisht krenar për arritjet e kësaj qeverie”, nga Brexit tek drejtimi i vendit përmes pandemisë dhe drejtimi i Perëndimit në përballjen e pushtimit rus të Ukrainës.

Por ai pranoi se “në politikë, askush nuk është i domosdoshëm”.

Johnson dha dorëheqjen pasi ministrat e kabinetit dhe dhjetëra deputetë nga Partia e tij Konservatore u larguan nga rolet e tyre qeveritare në 24 orët e fundit.

Administrata e tij u ndoq nga muaj të tërë skandalesh, duke përfshirë Johnson.

Ai do të qëndrojë në detyrë ndërsa Partia Konservatore zgjedh një lider të ri, i cili automatikisht do të bëhet edhe kryeministër.

Të enjten, udhëheqësi laburist Keir Starmer bëri thirrje që Johnson të largohej menjëherë, duke kërcënuar me një votë mosbesimi nëse ai qëndronte në detyrë derisa të zgjidhej një udhëheqës i ri.