Influencuesja britanike për Body-positive, Iskra Lawrence po kërkon falje pasi postoi një reklamë që promovon një krem trupi që pretendon se largon celulitin.

“Unë nuk do të lejoj diçka që të shpërthejë dhe të mos pranoj gabimet e mia ose të jem përgjegjëse,” tha Lawrence, 32 vjeçe në një video të shpërndarë në Instagram ku shton se: “Gjëja më e rëndësishme që mund të bëj është të kërkoj falje, para së gjithash, dhe të përpiqem të korrigjoj.”

Modelja e rrobave të banjës e quajti veten një “person tepër ambicioz” dhe pranoi se kishte një “ide deluzive” për të prishur dhe ndryshuar marketingun e një produkti të tillë. Por siç thotë vetë:

“Isha gabim. Fjalët që përdora ishte nxitëse për shumë prej jush dhe ishte dëshpëruese, dhe për këtë unë ndihem zemërthyer.”

Lawrence theksoi se ajo është personi i vetëm që menaxhon llogarinë e saj dhe se ndonjëherë njerëzit bëjnë gabime.

“Nuk kam njeri të menaxhojë faqen time. Nuk e kam bërë kurrë,” tha ajo, duke shtuar se e bëri videon e saj ku kërkon falje sepse duhej të bënte diçka që ajo të mos shkatërrohej emocionalisht.

Themeluesja e Saltair e përfundoi postimin duke premtuar se do të dhuronte fitimet që ajo bëri nga videoja promovuese dhe duke thënë se ajo është “e hapur për të gjitha reagimet se si ta korrigjojë”.

“Më vjen keq. Unë nuk do të përfitoj nga gabimi im dhe paratë do t’i dhurohen NEDA-s [Shoqata Kombëtare e Çrregullimeve të Ushqimit]”, ka shkruar ajo në mbishkrimin e postimit të saj.

Çuditërisht, ish-Modelja e cila e ka ndërtuar karrierën e saj nga dashuria për veten, u tha ndjekësve të saj se ajo “nuk mund të jetë modeli i tyre”.

“

“Askush përveç jush nuk duhet të jetë modeli juaj, sepse ju tashmë keni gjithçka që ju nevojitet brenda jush për të ndërtuar ndjenjën tuaj të vetëvlerësimit”, shkroi ajo.

Lawrence tronditi fansat gjatë fundjavës kur ajo ndau një postim të sponsorizuar duke përfshirë kremin për trajtimin e celulitit FIRMx Tight & Toned të Peter Thomas Roth (49 dollarë).

“Është vërtetuar klinikisht se zvogëlon pamjen e celulitit në vetëm dy javë, unë jam një javë dhe tashmë mund ta shoh dhe ndjej rezultate”, shkroi ajo në mbishkrimin e reklamës, e cila ishte ende në faqen e saj që nga e marta.

Në video, ajo ndau se marka e zgjodhi atë për të provuar produktin në mënyrë që të mund të tregonte rezultatet aktuale pa përdorur Photoshop ose filtër.

Lawrence, e cila që atëherë ka ndaluar komentet në postimin e saj, u përball menjëherë me reagime.

“Jam vërtet e zhgënjyer që u përpoqët në mënyrë aktive të tallni audiencën tuaj me atë reklamë,” komentoi një person në postimin e saj.

“Më vjen keq që thjesht nuk besoj se po përpiqeshit të ndryshoni industrinë e tregut apo diçka tjetër. Ju keni përfituar nga reklamimi i një produkti që (gjoja) ndryshon pamjen e trupit tuaj, vetëm sepse shumë njerëz ju kanë pyetur se si mund të ndryshojnë strukturën natyrale të trupit të tyre. Mendova se qëllimi ishte të pranonit të gjitha pjesët e trupit tuaj”, shkroi një tjetër kritik.