AlbanianEnglish

Honda nuk kursehet në përcaktimin e buxhetit për vitin 2030

Honda e Japonisë po planifikon të shpenzojë 64 miliardë dollarë për kërkimin dhe zhvillimin gjatë dekadës së ardhshme, duke përcaktuar një objektiv ambicioz për të prodhuar 30 automjete elektrike modele në tërë globin deri në vitin 2030.

Objektivat e saj përfshijnë gjithashtu prodhimin e rreth dy milionë automjeve elektrike në vit deri në vitin 2030.

Honda tha se dëshiron të krijojë një linjë të dedikuar prodhimi për automjetet elektrike në Amerikën e Veriut, ku do të blejë gjithashtu bateri Ultium nga General Motors.

Ajo po shqyrton gjithashtu një kompani të veçantë për prodhimin e baterive atje, përveç partneritetit të saj GM.

Shtytja drejt makinave elektrike e ka rritur dëshirën të kërkojë bashkëpunëtorë për të balancimin e kostove dhe për të ndarë teknologjinë.

Honda dhe prodhuesit e tjerë japonezë të automobilave kanë thënë prej kohësh se edhe pse janë elektrike, nuk do të heqin dorë nga teknologjia më e vjetër hibride.

Përkrahësit e hibrideve janë veçanërisht në vendet në zhvillim, ku infrastruktura për të mbështetur makinat elektrike do një kohë të gjatë për t`u përfunduar.

“Ne do të zhvillojmë hibridet tona aktuale dhe do t’i përdorim ato si një armë në biznesin tonë”, tha kompania.

Vetëm një vit në punë, shefi i Honda-s Mibe ka bërë tashmë një sërë deklaratash të guximshme.

Në mars, kompania tha se do të bashkohet me Sony Corp për të zhvilluar dhe shitur makinat elektrike, duke synuar të fillojë shitjen e modelit të parë në 2025.

Aksionet e Honda përfunduan me rënie 0.2% të martën, duke tejkaluar indeksin Nikkei 225, i cili ra me 1.8%.

You don't have permission to register