AlbanianEnglish

H&M kthehet në Tmall, 16 muaj pas polemikave të Xinjiang

Gjiganti suedez i modës H&M është rihapur në platformën elektoronike Tmall të Alibaba, 16 muaj pasi faqja kineze e hoqi atë pas kritikave të markës ndaj shkeljet e të drejtave të njeriut në Xinjiang.

Rihapja u vu re fillimisht nga përdoruesit kinezë dhe u konfirmua nga një kërkim i Reuters në platformë.

Tmall,  shumë platforma dhe aplikacione të tjera kineze fshinë referencat për markën e modës kur u zbulua se H&M ishte zotuar të mos merrte pambuk nga rajoni i largët perëndimor i Kinës Xinjiang, duke përmendur shqetësimet për abuzimet e të drejtave të njeriut atje.

Ekspertët e OKB-së dhe grupet e të drejtave vlerësojnë se mbi një milion njerëz, kryesisht ujgurë dhe pakica të tjera myslimane, janë arrestuar vitet e fundit në një sistem të madh kampesh në Xinjiang. Kina mohon të gjitha akuzat për abuzim.

H & M ishte një nga shumë markat perëndimore të përfshira në polemikën e pambukut në Xinjiang në mars të vitit të kaluar dhe u ndikua në mënyrë disproporcionale si një nga të parat që u vu në shënjestër nga përdoruesit e internetit në mediat sociale kineze.

Që nga marsi i vitit 2021, H&M ka qenë në gjendje të shesë online në Kinë vetëm nëpërmjet faqes së saj të internetit dhe një mini-programi në WeChat, por nuk ka qenë i disponueshëm ose i kërkueshëm në platformat kryesore të palëve të treta si Tmall.

Në qershor, H&M mbylli dyqanin e saj kryesor në Shangai, i prekur nga reagimi i konsumatorëve ndaj polemikave të pambukut në Xinjiang, si dhe bllokimet në kryeqytetin tregtar të Kinës.

H&M hyri në Kinë në vitin 2007 me hapjen e dyqanit kryesor trekatësh që u zgjerua me shpejtësi. Ajo kishte më shumë se 500 dyqane në Kinën kontinentale në fillim të vitit të kaluar, por webfaqja e saj aktualisht liston vetëm 375.

 

*Tibo News

You don't have permission to register