Parlamenti grek i ka hapur rrugën ndalimit të partive politike, drejtuesit e të cilëve janë të dënuar për krime, që të regjistrohen në zgjedhje, përpara zgjedhjeve kombëtare në pranverë.

Ligjvënësit në Athinë votuan mbrëmjen e të mërkurës, pas një diskutimi të zgjatur, në favor të një amendamenti që synon të parandalojë partitë politike si Agimi i Artë i ekstremit të djathtë,  dikur forca e tretë politike më e madhe e Greqisë nga kandidimi në zgjedhje, pasi u shpall një bandë kriminale me një vendim gjykate të vitit 2020.

Legjislacioni i ri do të ndikojë gjithashtu në partinë e vogël të së djathtës ekstreme, partinë e Helenëve që do të thotë “grekë” — e cila u bashkëthemelua nga ish-deputeti dhe zëdhënësi i Agimit të Artë, Ilias Kasidiaris.

Kasidiaris u dënua me 13 vjet burg në vitin 2020, por ky amendament i ri do ta pengojë atë të kandidojë ndërsa vazhdon të udhëheqë partinë de facto, sipas këndvështrimit të së drejtës kushtetuese, Nikos Alivizatos.

Pavarësisht se është në burg, Kassidiaris ka vazhduar veprimtarinë e tij politike. Ai u drejtohet rregullisht mbështetësve të tij nga qelia e tij përmes mesazheve zanore të transmetuara në kanalin e tij në YouTube, i cili ka më shumë se 120,000 ndjekës.

*Tibo News