Gratë në Berlin tani mund të notojnë “topless” në pishinat publike të qytetit nëse dëshirojnë, ashtu si burrat.

Ky hap u pa si njw iniciativë për barazinë gjinore në kryeqytetin gjerman, masa e re e prezantuar është simptomatike e dashurisë së Gjermanisë për Freikoerperkultur – e përkthyer fjalë për fjalë si ‘kulturë e trupit të lirë’ – e cila i ka rrënjët në fund të shekullit të 19-të.

Autoritetet e Berlinit morën masa pasi një notare tha se ajo ishte penguar të frekuentonte një nga pishinat e qytetit pa mbuluar gjoksin në dhjetor 2022.  Autoritetet ranë dakord që gruaja kishte qenë viktimë e diskriminimit. Ajo pason një incident të ngjashëm në një park ujor në Berlin në verën e vitit 2021. Gruaja franceze Gabrielle Lebreton kërkoi kompensim financiar nga qyteti pasi rojet e sigurisë e urdhëruan të largohej nga lokali kur ajo refuzoi të mbulonte gjoksin.

Pasioni i Gjermanisë për nudizmin e gjen origjinën e tij në përpjekjet shëndetësore të fundit të shekullit të 19-të. Organizata e parë FKK e vendit u krijua në 1898 dhe koncepti u përhap shpejt në të gjithë vendin, sipas Deutsche Welle .

Lëvizja nudiste fillimisht u ndalua nga nazistët në një shtrëngim moral. Megjithatë, ajo vazhdoi të fitonte popullaritet dhe pati mbështetje.  Lëvizja kulturore mbetet e njohur në Gjermaninë moderne. Sot, ka rreth 600,000 gjermanë të regjistruar në më shumë se 300 klube private nudiste.