AlbanianEnglish

Gjithçka që duhet të dini për Mille Miglia, “urën” autentike mes së shkuarës dhe të ardhmes

Gjithçka gati për Mille Miglia 2022, gara me makinat më të veçanta ndër vite, e cila nis sot më 15 qershor dhe do të zgjasë deri të shtunën, më 18 qershor, duke ndjekur itinerarin Brescia-Romë- Brescia, megjithëse mund të ketë disa ndryshime të vogla.

Katër etapat do të shohin ekuipazhet të kalojnë rrugët më të famshme italiane dhe nga Brescia ekuipazhet do të udhëtojnë përmes Sirmione, Mantua, Ferrara, Cervia, San Marino, Urbino, Norcia, Terni, Roma, Siena, Viareggio, Parma dhe Pavia dhe më pas kthehen në Brescia.

Ditën e fundit, gara do të ndalet në qarkun Varano de ‘Melegari, ku do të mbahet njëkohësisht MiMo Milano Monza Motor Show.

Organizatorët kanë përzgjedhur 415 makina nga e gjithë bota.

Në garë marrin pjesë marka të famshme të makinave, nga Quattroruote, ndërsa Alfa Romeo sërish do të jetë marka më e përfaqësuar.

Në fakt janë të regjistruara 50 makina të tilla. Në fund të fundit, Alfa Romeo është marka që ka arritur më shumë fitore në Mille Miglia. Lista me fituesit tregon për 11 triumfe për kompaninë, për disa vite me radhë.

Krahas garës kryesore ka edhe kategori specifike. Këtë vit do të ketë gjithashtu makina elektrike dhe Cavallino-t e prodhuara pas vitit 1957.

Një nga makinat që tërheq vëmendjen nga gara është 6C 1500 Super Sport të vitit 1928, e përbërë nga pjesë të Farina dhe tashmë fituese në vitin 2019, si dhe në edicionet e vitit 2005, 2007 dhe 2008 me rishfaqjen e Freccia Rossa të famshme.

E drejtuar nga bashkëshortët dhe ekspertët Giovanni Moceri dhe Silvia Dicembre, kjo makinë vjen nga një seri e vogël prej 31 ekzemplarësh të krijuara midis viteve 1928 dhe 1929 dhe është e pajisur me 6 cilindra 1.5-litërsh dhe 76 HP fuqi, që e lejon atë të arrijë një shpejtësi maksimale prej 140 km /h.

Elegancë dhe sportivitet:

Në garë është edhe Super Sprinti i vitit 1900 dhe i 1956-ës, një GT elegante e krijuar në atë kohë me Touring, pajisur me motor dylitërsh me katër cilindra e me dy boshte, e aftë për të performuar në mënyrë të jashtëzakonshme.

Vlen të përmendet edhe Spider Sport i vitit 1954, nga i cili janë prodhuar vetëm dy njësi dhe është në gjendje të arrijë 220 km / orë. Pjesa kryesore e kësaj makine është projektuar nga Franco Scaglione për Bertone. Çifti që do të ketë fatin të hipë në këtë makinë janë Alessandro Alunni Bravi, drejtor menaxhues i Sauber dhe Vicki Piria, garuese dhe komentatore e famshme televizive.

Natyrisht, nuk do të jetë një udhëtim ‘heroik’ në natyrë si ajo e makinave të para sportive të garave të së shkuarës: Gara zhvillohet për të kuptuar edhe pikat e forta dhe të dobëta të këtyre makinave historike.

Duke i vënë në provë në distanca mesatare të gjata, pa rregulla të personalizuara: do të ketë pengesa, ndalesa dhe shumë elementë të tjerë që e distancojnë nga një garë e mirëfilltë ‘e egër’.

Gjatë katër ditëve të garës, do të mbahen shënime mbi kilometrazhin, gjendjen e makinave, motorët, problematikat etj.

Përtej vlerës historike, ky lloj eventi përfaqëson një urë autentike midis së shkuarës dhe së ardhmes.

*Tibo News.

You don't have permission to register