Gjermania është gati të mbështesë një embargo të menjëhershme të BE-së ndaj naftës ruse, një ndryshim i madh në qëndrim, për të cilin analistët thonë se do e çonte ekonominë në recesion.

BE-ja pritet të propozojë këtë javë një raund të gjashtë sanksionesh ndaj Rusisë për pushtimin e Ukrainës dhe embargoja e naftës është ndoshta në menu.

Rusia furnizon 40% të gazit të BE-së dhe 26% të importeve të saj të naftës dhe Gjermania është klienti i saj më i madh i energjisë.

Megjithatë, ministri gjerman i ekonomisë Robert Habeck ka deklaruar se vendi i tij është gati të marrë këtë vendim.

BE paralajmëroi të hënën se përmbushja e plotë me kërkesën e Moskës që vendet të paguajnë efektivisht për gazin në rubla, ose të përballen me humbjen e furnizimit të tyre… do të shkelte sanksionet ekzistuese të BE-së.

Largimi i Evropës nga nafta ruse ka të ngjarë të jetë më e lehtë sesa reduktimi i varësisë nga gazi natyror rus.

Rusia ndërpreu furnizimin me gaz për Bullgarinë dhe Poloninë javën e kaluar.

Udhëheqësi ukrainas Volodomyr Zelensky ka deklaruar se blerja e energjisë ruse nxit përpjekjet luftarake të Moskës.

Ambasadorët nga vendet e BE-së do të diskutojnë sanksionet e propozuara të naftës kur të takohen të mërkurën.

*Tibo News.