Me 991,5 milion klikime në TikTok, hashtagu #Ozempic është bërë viral dhe fatkeqësisht për të gjitha arsyet e gabuara.

Ozempic është një ilaç që përdoret për trajtimin e diabetit të tipit 2, duke përmirësuar sheqerin në gjak për të zvogëluar rrezikun e incidenteve të mëdha kardiovaskulare. Udhëzimet e Ozempic përshkruajnë se ilaçi i cili injektohet “mund t’ju ndihmojë të humbni pak peshë”, por specifikon se “nuk është për humbje peshe”.

Ndërsa Ozempic përdoret për trajtimin e diabetit të tipit 2, Wegovy – një formë tjetër e përbërësit semaglutide me një emër tjetër, përdoret për të trajtuar “të rriturit me obezitet ose peshë të tepërt, të cilët gjithashtu kanë probleme mjekësore të lidhura me peshën.

Por problemi është ky: Këto injeksione po kërkohen gjithnjë e më shumë si një “rregullim i shpejtë” për të nxitur humbjen e peshës, duke përforcuar stereotipet toksike rreth imazhit të trupit. Dhe kur merret pa udhëzim mjekësor, përdoruesit mund të hasin në probleme të mëdha. Ilaçet për humbjen e peshës nuk janë diçka për t’u ngatërruar, dhe një efekt anësor i quajtur “Fytyra Ozemike” është simbolika e saj. Por çfarë është? Dhe cilat janë rreziqet e marrjes së gabuar të semaglutide?

Ky fenomen i referohet rënies, plakjes dhe pamjes së dobët të lëkurës dhe strukturave të fytyrës”, shpjegon  Adil Sheraz, konsulent dermatolog dhe zëdhënës i Fondacionit Britanik të Lëkurës. Ai thotë me shqetësim:

“Fytyra ka një shtresë yndyre që në thelb e shtrin lëkurën. Ozempic rezulton në humbje të shpejtë të peshës dhe e bën këtë në mënyrë shumë efektive. Kjo, sigurisht, do të çojë në humbje të shpejtë të yndyrës nënlëkurore (nën lëkurë) të fytyrës”.

“Megjithatë, ëkura e sipërme nuk do të jetë në gjendje të tkurret me të njëjtin ritëm, duke rezultuar në një pamje të varur dhe të rrudhur.

Paul Jarrod Frank, një dermatolog në Nju Jork ka treguar për New York Times se ka filluar të shohë fytyrën e Ozempic “çdo ditë” që kur këto ilaçe hynë në qarkullim.

“Vjen një paciente 50-vjeçare dhe befas, ajo është super e dobët dhe ka nevojë për filler, për të cilin nuk kishte nevojë kurrë më parë. Unë e shikoj atë dhe i them: “Sa kohë keni përdorur Ozempic?” Dhe kam të drejtë 100 për qind të rasteve,” tha ai.

Sidoqoftë, është e rëndësishme të theksohet se kjo nuk është domosdoshmërisht specifike për Ozempic. Siç shpjego Sheraz, ky ndryshim në tiparet e fytyrës mund të ndodhë me çdo lloj humbje peshe të shpejtë. “Megjithatë, ky medikament po përflitet aq shumë kohët e fundit dhe ka tërhequr vëmendjen e publikut”.

Tiparet që ngjajnë me ‘fytyrën ozemike’ mund të jenë gjithashtu më të zakonshme me moshën. “Fytyra ozemike mund të jetë më shumë problem tek individët e moshuar pasi ka më pak kolagjen dhe elastinë në lëkurën tonë ndërsa plakemi, prandaj aftësia e saj për t’u përshtatur zvogëlohet”.

Tani, për shkak se termi ‘fytyrë Ozempic’ i referohet përdorimit jashtë markës së ilaçit  d.m.th. përdorimi i gabuar nga njerëzit që nuk kanë diabet të tipit 2, por që duan ta përdorin atë për humbje peshe – Novo Nordisk, kompania që prodhon Ozempic, nuk komenton në mënyrë specifike për ‘fytyrën Ozempic’.

Cilat janë rreziqet e marrjes së ilaçeve për humbje peshe në mënyrë rekreative?

Marrja e semaglutide pa udhëzim mjekësor nuk rekomandohet. Mund të ndikojë në aftësinë e trupit për të absorbuar lëndët ushqyese dhe të shkaktojë ndryshime në shëndetin e zorrëve apo edhe inflamacion të pankreasit (i njohur edhe si pankreatiti). Ai gjithashtu mund të prekë gjithashtu hipogliceminë (glukozë të ulët në gjak) e cila, në raste të rënda, mund të çojë në kriza.

Këto lloj produktesh dhe mënyra se si ato tregtohen prekin dobësitë e njerëzve dhe përkeqësojnë pritshmëritë për t’u dukur një formë ose madhësi ‘ideale’.

Jo vetëm që këto produkte dekurajojnë zakonet e të ushqyerit të shëndetshëm dhe mund të shkaktojnë potencialisht të ngrënit të çrregullt, por ato shpesh blihen në internet, gjë që mund të jetë e rrezikshme pasi ka shumë më pak siguri kur blini përmes internetit.