Lana Del Rey është e fejuar me partnerin e saj Evan Winiker,  muzikant dhe menaxhues i agjencisë së talenteve tha një burim për “Billboard”.
Këngëtarja e hitit “Young And Beautiful”, e cila së fundmi publikoi albumin e saj të nëntë, e ka mbajtur marrëdhënien e saj me Winiker tejet private, pasi dyshja janë parë vetëm disa herë së bashku nga mediat.
Marrëdhënia e Lanës me Winiker thuhet se filloi disa muaj më parë kur Lana mori pjesë në Billboard Women In Music Awards.

5 fakte për partnerin e Lana Del Rey

• Ai është partner dhe  menaxher në Range Media

E themeluar në shtator 2020, Range u lançua nga një grup ekzekutivësh të industrisë nga super-agjenci përfshirë CAA, UTA dhe WME. Kur iu bashkua ekipit në mars 2021, ëiniker solli me vete klientët MAX, Daya, Disco Biscuits, Skyler Stonestreet dhe Walk Off the Earth.

• Ai ka punuar më parë në Full Stop Management

Rezymeja mbresëlënëse e ëiniker përfshin gjithashtu kohë në Full Stop Management, ku ai punoi për katër vite, pas pesë viteve të tij në Brandon Creed’s Creed Co., e cila u bashkua me dyqanin e Jeffrey Azoff në 2017 për të formuar Full Stop.

• Ai ka interpretuar në disa shfaqje kryesore në “The Late Show”

Steel Train bëri xhiron në “The Late Show”, duke performuar “Bullet” me David Letterman,  dhe “I Feel weird” në Late Night with Conan O’Brien.

• Ai ka një qen të quajtur Henry

Winiker shpesh ndan foto të adhurueshme të qenit të tij me gëzof Henry, i cili e shoqëron atë në shëtitje.

• Ai ishte në një grup me Jack Antonoff

Si pjesë e grupit indie rock Steel Train, Winiker bëri turne me Tegan dhe Sara, Ben Folds, The Fray, Silversun Pickups e të tjerë. Jack Antonoff ishte gjithashtu një anëtar i Steel Train, dhe producenti është një bashkëpunëtor i shpeshtë i Del Rey, së fundmi duke punuar në albumin e sapo publikuar.