Me mbi 18 km gjatësi, tuneli hekurudhor nën ujë, “Fehmarn Belt Link” i cili do të lidhë Gjermaninë me Danimarkën, është në punim e sipër dhe deri më tani duket së po shkon mirë.

Mega-projekti prej 10 miliardë eurosh, projekti më i madh inxhinierik i ndërmarrë ndonjëherë në Danimarkë, është pjesë e programit Ten-T të Komisionit Evropian, i cili fokusohet në forcimin e lidhjeve të transportit dhe ndërlidhjes në kontinent.

Duke theksuar rëndësinë për ambiciet gjithëpërfshirëse, BE kontribuoi me 1.1 miliardë euro për ndërtimin e këtij tuneli.

Kur tuneli të përfundojë në vitin 2029, udhëtimi me hekurudhë mes Hamburgut dhe Kopenhagës do të reduktohet nga 4.5 orë në 2.5 orë dhe do të lëshojë shërbimet e trenave përtej kufirit danez në Suedi, Norvegji dhe Finlandë.

Mes bujës për shpejtësinë, kredencialet të lidhjes së transportit, disa ambientalistë e kanë kundërshtuar fuqishëm ndërtimin duke përmendur ndikimet e tij ekologjike.

Organizata mjedisore gjermane ka shprehur shqetësimet e saj, për dëmtimin e mundshëm të biodiversitetit në brezin e Fehmarnit, një zonë e mbrojtur nga Bashkimi Europian.

Megjithatë, Femern A/s, kompania daneze që po ndërton tunelin, thotë se ka besim se “ndikimet e ndërtimit janë të përkohshme”.

Ndërsa aktivistët e mjedisit sugjerojnë se lidhja ekzistuese prej 160 km është e mjaftueshme për trafikun aktual, kompania e ndërtimit shpreh bindjen se gjatësia e t nelit do të sjellë të sjellë përfitime të mëdha si për pasagjerët ashtu edhe për vetë klimën.

“Tuneli do të rrisë kapacitetin dhe do të lehtësojë bllokimet në rrjetet hekurudhore dhe rrugore në Danimarkë dhe do të krijojë kursime të konsiderueshme në kohë, energji, karburant dhe emetime të karbonit për trafikun tranzit. Kjo është arsyeja pse Komisioni Evropian e ka quajtur tunelin Fehmarnbelt një projekt prioritar ”.

*Tibo News.