AlbanianEnglish

Digjen 1700 hektarë pyll në Francë

Dy zjarre kanë shkatërruar tashmë afro 1700 hektarë pisha në Gironde të mërkurën, duke detyruar evakuimin e 6000 kampistëve, situatë e favorizuar nga vala e të nxehtit që po përhapet në jug të Francës.

Franca po përballet me këtë fenomen për herë të dytë brenda një muaji, një ilustrim i ndryshimit të klimës që do të shkaktojë vera “gjithnjë e më të nxehta, ku 35 gradë do të jetë normë”.

Shtatë departamente në Jugperëndim janë vendosur në vigjilencë portokalli të valës së të nxehtit.

Në Gironde, i prekur që nga e marta pasdite nga dy zjarre të veçanta dhe ende në vazhdim në pyjet me pisha, 1000 hektarë tashmë janë djegur në Landiras, rreth dyzet kilometra në jug të Bordo, sipas një raporti të ri nga prefekti Fabienne Buccio gjatë një konference shtypi në terren.

Sipas zjarrfikësve, zjarri i dytë, i cili gjithashtu filloi pasditen e së martës, në La Teste-de-Buch, pranë dunës Pilat, shkatërroi 700 hektarë.

“Këto janë zjarre të mëdha”, tha prefekti që sapo kishte fluturuar mbi zonë me një helikopter, duke iu referuar “një fronti zjarri prej 5 km”.

“Problemi është se ato zhvillohen në të njëjtën kohë”. Zjarret ushqehen “nga bimësia e thatë, veçanërisht nga drithi. Natyrisht, vapa nuk ndihmon”, shtoi prefekti.

Gjatë natës, rreth 6000 njerëz që qëndronin në pesë kampingje në zonën shumë turistike të Pilatit u evakuuan si masë paraprake në qendrën e ekspozitës Teste-de-Buch.

Evakuime u bënë si masë paraprake të martën në mbrëmje në pesë fshatra dhe në fshatin Guillos, rreth 500 persona.

You don't have permission to register