0
332
Devijohet qarkullimi në Unazën Lindore, shkak punimet
Autoriteti Rrugor Shqiptar ka njoftuar se duke filluar nga dita e nesërme do të nisin punimet e asfaltimit në rrugën “Alajdin Frashëri”.
Kjo do të sjellë bllokimin e disa rrugëve përkohësisht dhe rrjedhimisht devijimin e kalimit të automjeteve.
ARRSH ka publikuar njoftimin e plotë me oraret e lëvizjeve, rrugët e bllokuara dhe ato që do shërbejnë si alternativë kalimi nga shoferët.
Njoftimi i plotë si më poshtë:
NJOFTIM
Në Unazën Lindore Loti 2, në përputhje me grafikun e punimeve 
do të fillojnë punimet e asfaltimit në rrugën “Alajdin Frashëri” 
Duke filluar nga data 02.06.2022, ora 11:00 deri në orën 16:00, trafiku do të devijohet në kryqëzimin e Surrelit dhe do të bllokohet përkohësisht në rrethrrotullimin e Shkozës për rugën “Alajdin Frashëri” që do të asfaltohet.
Në këto pika do të vendoset sinjalistika e përkohshme për devijimin dhe orientimin e trafikut në kryqëzimin e Surrelit në drejtim të Farkës dhe bllokim rruge 
në rrethrrotullimin e fundit në Shkozë, ku kalimi do të behet në drejtim të Unazës.Bashkëlidhur skema e rrugës “Alajdin Frashëri” që do të asfaltohet, me zonën ku do të kryhen punimet dhe pikat e devijimit të trafikut
Kërkojmë mirëkuptimin e përdoruesve të rrugës dhe drejtuesve të mjeteve.
*Tibo News
