Përbërësit

-300 g salmon i freskët;
-250 g spinaq i ngrirë;
-200 g djathë mocarela;
-250 ml krem pana për gatim;
-1 lugë gjelle koncentratë domatesh;
-1 lugë gjelle koncentratë perimesh;
-piper i zi i sapobluar;
-hudhër pluhur;
-vaj ulliri.

Përgatitja

1. Në tavën ku do të pergatisim salmonin hedhim panën e kuzhinës, shtojmë koncentratën e domateve dhe i perziejmë mirë derisa të formohet një salcë ngjyrë rozë.
   I japim shije me koncentratën e perimeve pluhur, piper të zi dhe hudhër të thatë të bluar duke vazhduar përzierjen. Nuk shtojmë kripë, pasi koncentrata e perimeve është mjaftueshëm e kripur.
2. Përhapim spinaqin e ngrirë në mënyrë të njëtrajtshme mbi tavë. Të njejtën gjë bëjmë edhe me djathin mocarela të prerë në feta.
3. Sipër tyre vendosim copat e salmonit (nga 150g secili) të cilët i lyejme me pak vaj ulliri në siperfaqe.
4. E pjekim tavën në furrë të parangrohur në 180°C per rreth 25 minuta, apo derisa spinaqi të ketë shkrirë dhe të jetë bashkuar me mocarelën.
5. Përpara se ta servirim, e perziejmë pak salcën me pirun në menyrë që të gjithë përbërësit të bashkohen.
6. Mund ta shoqeroni me makarona, oriz basmati, njoki apo edhe thjesht keshtu për një pjate pa karbohidrate.

Ju bëftë mirë!