AlbanianEnglish

Çmimi i naftës në Shqipëri shënon rekordin e tre dekadave të fundit

Çmimi i naftës në Shqipëri arriti të shtunën rekordin e tre dekadave, me çmimin 234 lekë për litër. Shtrenjtimi me 42 lekë për litër është i treti brenda dy ditësh pasi një litër naftë të mërkurën mund të blihej me 192 lekë. Qytetarët e sidomos ata që e kanë të nevojshme lëvizjen me makinë pothuajse çdo ditë, kanë shprehur shqetësime në media e rrjete sociale duke thënë se nuk po e përballojnë dot më rritjen. Për situatën e krijuar, ka reaguar Shoqata e Hidrokarbureve në Shqipëri duke thënë se kjo Shoqatë po merr sulme të padrejta.

Sipas Shoqatës së Hidrokarbureve, furnizimi i tregut është i garantuar për vetë përgjegjësinë e operatorëve përpara konsumatorit, jo vetëm me rezervat ligjore 90 ditore, por dhe në vazhdim pasi operatorët e kësaj fushe që në fillimin e kësaj krize kanë arritur të shkëpusin furnizimin nga kompani që burimet i kishin nga Rusia drejt atyre kompanive që kanë burime nga vende të tjera kryesisht arabe. Shoqata thotë se te gjitha vendet sot, ku çdo ekonomi është e integruar me njëra tjetrën, po përballen me inflacion në rritje e që ka pesuar rritje të papritur e të metejshme sidomos në ditët e fundit për shkak të situatës me luftën në Ukrainë.

Deklarata e plotë nga Shoqata e Hidrokarbureve:

Duke ndjekur me preokupim situatën e luftës ne Ukraine dhe krizen qe po e shoqeron ate ne mbare globin, shprehim shqetesimin tone per sulmet e padrejta qe i drejtohen sektorit te tregtimit te karburanteve te cilat behen pa nje analize te plote dhe te thelluar te gjendjes aktuale te krizes se cmimeve te lendeve te para ne te gjithe boten, ku dhe Shqiperia pa dyshim nuk mund ti rri larg ketyre efekteve.

Ne fakt te gjitha vendet sot, ku cdo ekonomi eshte e integruar me njera tjetren, po perballen me nje inflacion ne rritje e qe ka pesuar nje rritje te pa pritur e te metejshme sidomos ne 10 ditet e fundit me ngjarjet e Ukrahines. Nje nga sektoret e goditur me shume eshte ai i energjise ne teresi kryesuar nga karburantet dhe gazi. Per vete specifiken e zonave ku shtrihen burimet kryesore per kete sektor lidhur me vendin tone sqarojme konsumatoret dhe te gjithe opinionin publik:
Se pari furnizimi i tregut eshte i garantuar per vete pergjegjesine e operatoreve perpara konsumatorit jo vetem me rezervat ligjore 90 ditore por dhe ne vazhdim pasi operatoret e kesaj fushe qe ne fillimin e kesaj krize kane arritur te shkepusin furnizimin nga kompani qe burimet i kishin nga Rusia drejt atyre kompanive qe kane burime nga vende te tjera kryesisht arabe.

Se dyti cmimet nga bazat grosiste dalin cdo dite me bursen korente dhe marrin rritje graduale te koordinuar me rezervat qe ka gjendje ne pikat e karburantit me furnizimin e ri, por fatkeqesisht rritja e cmimeve ne burse javen e fundit ka qene galopante (sqarojmë se rezerva tre mujore qe mbahen si mbas ligjit është gjithnjë ne depo fizikisht, por çmimi kurrë nuk mund te mbyllet ose fiksohet vetëm në ditën që hidhet në treg për konsum).

Se treti, çmimet vërtetë kanë arritur rekord historik dhe krahasohen me krizën e viteve 70-te por kush dëshiron vërtetë të kuptojë qartë që jemi jo në një krizë, por në një luftë në zemër të eksportit botëror të karburanteve dhe siç mund të kemi akoma rritje ashtu mundet qe situata dhe te qetesohet. Ne afat shkurtër 3-4 muaj me shume siguri është, se presioni do rritet mbi vendet e Opec per te hedhur ne treg sasite e munguara te Rusise, keshtu qe kompanitë botërore dhe si rrjedhoje edhe ato shqiptare do gjejnë rruge dhe marrëdhënie te reja e cila do sjelli stabilizimin e çmimeve.

You don't have permission to register