Të jesh aktor do të thotë t’i japësh zemrën dhe shpirtin një filmi. Duhen muaj përgatitje dhe në disa raste, edhe vite për të studiuar një rol. Sa më shumë punë me personazhe, aq më i madh është natyraliteti me të cilin aktori e interpreton atë dhe aq më shumë emocione zgjohen tek publiku. Megjithatë, kur aktorët bëhen kaq shumë pjesë e karakterit, kjo i transformon ata përgjithmonë.

• Heath Ledger – The Dark Knight

Shumë prej nesh pajtohen se një nga interpretimet më të mira të rolit Joker është padyshim versioni i Heath Ledger. Aktori rrëfeu se luajtja e tij në atë rol ishte “skenuese fizike dhe mendore”.

Pas përfundimit të xhirimeve, aktori i ndjerë kishte probleme me gjumin dhe tha se kishte ditë që flinte vetëm 2 orë.

• Anne Hathaway – Les Miserables

Është gjithmonë një sfidë për aktorët që të shtojnë apo të humbin peshë për një rol. Sidomos kur merret në ekstrem. Për Anne Hathaëay, asaj iu desh të humbiste 25 kilogramë për të luajtur personazhin e Fantine në Les Misérables.

Ajo u fut aq shumë në rol sa filloi të “shterej” fizikisht dhe emocionalisht. Në atë kohë, ajo e kishte të vështirë të merrej me botën reale. Anne rrëfeu se iu deshën javë të tëra për të ndjerë diçka afër normales pas xhirimeve.

• Adrien Brody – The Pianist

Për të hyrë në rol, Adrien Brody vendosi të jepte gjithçka për karakterin e tij dhe shkoi më tej. Ai shiti makinën e tij, hoqi dorë nga apartamenti dhe ndaloi së përdoruri telefonin e tij. Për t’u përgatitur për pamjen fizike të personazhit, ai qëndroi i uritur për të përjetuar dëshpërimin që shoqëron urinë.

Teksa mbaroi rolin, ai pranoi se kishte raste kur mendonte se do të humbiste mendjen. Adrienit iu desh pak kohë për t’u rikthyer në jetën e tij të përditshme.

• Johnny Depp – Fear and Loathing in Las Vegas

Johnny Depp është një aktor i njohur për interpretimin e roleve të tij. Kur u përgatit për rolin e tij në filmin “Fear and Loathing in Las Vegas”, ai kaloi muaj të tërë duke jetuar në një bodrum dhe pothuajse nuk ka fjetur ndonjëherë. Johnny mësoi disa sjellje të paharrueshme për personazhin që, kur mbaroi rolin, kuptoi se ishin aq të rrënjosura në të, saqë më pas iu desh të “detoksifikohej” nga personazhi.

• Jackie Chan – Operation Condor

Nëse ka një aktor që nuk ka frikë nga skenat e aksionit dhe duke i bërë ato pa marifete, është Jackie Chan. Gjatë xhirimeve të “Operation Condor”, ai pësoi një dëmtim të rëndë që kërkonte një operacion në tru. Mjekët duhej t’i vendosnin një pllakë metalike në kokë; edhe sot ai vazhdon e ndjen këtë.