AlbanianEnglish

Çfarë ka ndodhur me jetën e Marianës pas sulmit në maternitetin në Ukrainë

Veronika quhet foshnja që lindi shëndoshë e mirë në mes të luftës në Ukrainë, fatkeqësisht larg vendit të saj dhe e tmerruar nga pamja e nënës me plagë të luftës. Për shkak të sulmeve ruse në maternitetin e Mariupolit, Mariana Vishegirskaya duhej të largohej sa më shpejt nga aty. Fotot e saj me kostumin/pizhame të pambuktë, me plagë në fytyrë e me qese nëpër duar teksa zbriste shkallët me shpejtësi thyen rrjetin.

Imazhet e nënave të dëshpëruara dhe punonjësve mjekësorë nga spitali i Shëndetit të Fëmijëve dhe Grave tronditën botën, pasi bombardimet e çuan luftën e Rusisë kundër Ukrainës në një nivel të ri të konsideruar të neveritshëm.

Duke u përballur me sanksionet, zyrtarët rusë thanë se janë bërë pretendime të rreme, pasi ishte lajmëruar për të evakuuar spitalet dhe godinat që ishin shënjestër e forcave ruse. Por pasojat tronditëse pak orë pas sulmit dëshmuan të kundërtën.

Vishegirskaya është një blogere ukrainase në Mariupol, e cila poston në lidhje me kujdesin e lëkurës, grimin dhe kozmetikën. Ajo ka postuar disa foto dhe video në Instagram duke dokumentuar shtatzëninë e saj në muajt e fundit, dhe në njërën, ajo shihet e veshur me të njëjtat pizhame si në ditën kur materniteti u sulmua.

Pas bombardimeve, Vishegirskaya u dërgua në një spital tjetër në periferi të qytetit dhe lindi me prerje cezariane, në një zonë ku nuk pati as drita as energji elektrike.

You don't have permission to register