AlbanianEnglish

Çfarë i bën njerëzit kaq tërheqës?

Ndonjëherë nuk e kuptojmë arsyen pse disa njerëz na duken shumë tërheqës, por në fakt pas kësaj qëndrojnë një grumbull cilësish që i bëjnë ata të tillë.

Disa prej tyre, që në dukje janë krejtësisht të zakonshme, mund t’i gjeni më poshtë.

 

  • Arrijnë të mendojnë shpejt dhe rrjedhimisht janë bashkëbisedues të shkëlqyer

Karizma është një nga cilësitë që i bën të dallueshëm dhe një studim i fundit tregon se pikërisht kjo lidhet ngushtë me aftësinë për të menduar shpejt.

Studimet kanë zbuluar se sa më të shpejtë ta ketë dikush të menduarit, aq më i pëlqyeshëm bëhet ai nga të tjerët.

 

  • U lexohet vetëbesimi në fytyrë

Kur dikush ndihet mirë me atë çfarë është, e ka më të thjeshtë të marrë role drejtuese dhe të fitojë respektin e të tjerëve.

Kjo nuk do të thotë se duhet që në këtë mënyrë të bëheni arrogantë.

Mjafton të mos e krahasosh veten me të tjerët, pasi nëse e bën, fillon të ndihesh më inferior dhe shpërqendrohesh prej vetes tënde.

 

  • Janë origjinalë

Është autenticiteti i tyre dhe aftësia për t’i qëndruar vetes besnik, ajo që i bën ata aq të lumtur.

Një studim nga Universiteti i Pensilvanisë tregon se të qenit vetvetja, i ndihmon edhe të jenë të shëndetshëm.

Nëse e ke të qartë se kush je dhe i qëndron vetes pranë, ndihesh më i kënaqur me jetën dhe botën, çka përmirëson në mënyrë direkte mirëqenien.

 

  • Flasin rrjedhshëm

Edhe nëse nuk e dinë se për çfarë po flasin, ata e shfaqin veten tërë hijeshi në çdo bisedë.

Folësit e mençur kanë aftësinë për t’i motivuar të tjerët dhe për t’u nxitur atyre ndjenja të mira, si besimi.

Kjo është një aftësi, ata kanë gjithmonë përgjigjen e duhur të çdo pyetjeje.

 

  • Humori i mirë

Nëse i bën të tjerët të qeshin, i bën ata të ndihen më mirë.

Humori është një akullthyes i shkëlqyer, i cili gjithashtu tregon shumë zgjuarsi.

Nëse ke një humor të mirë, do të thotë se ke aftësi të shumëfishta mendore.

 

 

 

 

You don't have permission to register