AlbanianEnglish

Çfarë është prosopagnosia që ka prekur Brad Pitt?

Mund të na ndodhë të gjithëve, të mos e njohim dikë pasi e kemi takuar tashmë. Aktori hollivudian Brad Pitt thotë se kjo i ka ndodhur pikërisht kjo gjë, e cila në fakt është një problem shëndetësor. Një gjendje që ndryshe quhet prosopagnosia ose ‘face blindness’.

58 vjeçari në një intervistë të kohëve të fundit, thotë se askush nuk e ka besuar kur është gjendur përball Brad Pitt dhe ky i fundit e ka pyetur se kush është. Edhe pse nuk është diagnostuar ende zyrtarisht me këtë gjendje, aktori ka patur dyshimet që në vitin 2013, madje ai thotë se shumë njerëz kanë menduar se është një egoist i cili shtiret sikur nuk i njeh personat që tashmë i kishte takuar.

Pitt ka thënë se do t’i nënshtrohet disa kontrolleve intensive për këtë gjendje.

Por konkretisht çfarë është Prosopagnosia?

Prosopagnosia është një çrregullim neurologjik që ndikon në perceptimin e fytyrës, ose aftësinë për të njohur fytyrat e njohura.

Ka dy lloje të ndryshme: të fituara dhe zhvillimore.

Sipas Shërbimit Shëndetësor Kombëtar në Britani, prosopagnosia e fituar ndodh pas një dëmtimi të trurit si goditje në tru ose dëmtim tjetër në kokë.

Prosopagnosia zhvillimore ndodh pa asnjë dëmtim të trurit. Ai mund të ketë një komponent gjenetik.

Çfarë e shkakton atë?

Sipas Institutit Kombëtar të Çrregullimeve Neurologjike, prosopagnosia mendohet se shkaktohet nga “anomalitë ose dëmtimet” në një zonë të trurit. Kjo zonë luan rol të rëndësishëm në njohjen e objekteve dhe fytyrës”.

Nuk shkaktohet nga humbja e kujtesës, verbëria ose paaftësia në të mësuar, megjithëse mund të jetë më e zakonshme tek ata me autizëm në krahasim me popullatën e përgjithshme.

Sa e zakonshme është?

Studimet kanë treguar se 1 në 50 njerëz kanë një formë të prosopagnosia, ku lloji zhvillimor është më i zakonshmi.

Simptomat

-Simptomat ndryshojnë në bazë të llojit të prosopagnosia që një person ka dhe sa e rëndë është ajo.

-Pamundësia për të njohur ose dalluar fytyrat e njerëzve që nuk i shohin vazhdimisht.

-Përpjekja për të identifikuar një person në një mjedis tjetër

-Pamundësia për të njohur fytyrat e personave të familjes (forma të rënda)

-Pamundësia për të njohur fytyrën tënde (e rëndë)

Cili është trajtimi?

Nuk ka kurë për këtë gjendje, por mund të ritrajnohen duke përdorur të dhëna të tjera për të njohur fytyrat.

Përballimi i gjendjes

Njerëzit me këtë çrregullim shmangin situatat sociale dhe “ndjenjat e depresionit janë të zakonshme”.

Pitt thotë se ai e përdor gjendjen e tij si një justifikim për të qëndruar në shtëpi pasi nuk ndidhet social.

*Tibo News

You don't have permission to register