AlbanianEnglish

Carrefour do të ngrijë çmimet e 100 produkteve për të luftuar inflacionin

Gjigandi i supermarketeve franceze Carrefour, do të ngrijë çmimet e 100 produkteve të përditshme, duke filluar nga sardelet e konservuara e deri te orizi dhe detergjentët, e gjitha kjo do të vijë si mënyrë për të luftuar inflacionin, i cili aktualisht është më i larti që nga fillimi i viteve 1990.

Këto lëvizje pasuan me presionin e qeverisë së presidentit Macron që bizneset të bëjnë më shumë për frenimin e rritjes së çmimeve.

Carrefour tha se do të ngrijë çmimet deri në 30 nëntor për një shumëllojshmëri produktesh, duke filluar nga artikujt ushqimorë deri te produktet e kujdesit shëndetësor dhe veshjet.

Përballë rritjes së inflacionit, shitës të tjerë me pakicë kanë synuar gjithashtu shqetësimet e konsumatorëve për koston e jetesës me fushatat e tyre promovuese.

Në maj, rrjeti francez i supermarketeve Leclerc ngriu çmimet në 120 produktet më të blera deri në korrik, ndërsa në prill operatorët britanikë të supermarketeve Asda dhe Morrisons thanë se do të ulnin çmimet e artikujve thelbësorë.

Të dhënat e publikuara këtë muaj treguan se inflacioni francez u rrit në 6.8% në korrik, norma më e lartë që kur Franca filloi të përdorte metodologjinë e Bashkimit Evropian për të llogaritur të dhënat në fillim të viteve 1990, megjithëse më e ulët se shumica e vendeve të tjera të BE-së falë kufijve të qeverisë për çmimet e energjisë dhe gazit.

*Tibo News

You don't have permission to register