Reperja fituese e Grammy-t, Cardi B foli me vajzat në një program mentorimi policor, si pjesë e asaj që ajo thotë se ka qenë një javë emocionuese dhe e këndshme për të teksa kryente shërbime komunitare të mandatuara nga gjykata për shkak të një zënke që ajo u përfshi në 2018-ën.

Marrëveshja për pranimin e fajësisë së Cardi B kërkonte që ajo të kryejë 15 ditë shërbim në komunitet deri më 1 mars për të shmangur dënimin me 15 ditë burg.

Cardi B, një vendase në qytetin e Nju Jorkut, emri i vërtetë i së cilës është Belcalis Almanzar, ka kryer shërbinin e saj në komunitet dhe këtë e ka shfaqur në Tëitter:

“Shërbimi në komunitet ka qenë gjëja më e mirë që më ka ndodhur”.

Ajo e krahasoi përvojën me një udhëtim shpirtëror. “Ata njerëz që ne i lëmë pas, ata thjesht kanë nevojë për dikë që të flasë dhe një shtytje e lehtë dhe ju mund të jeni në gjendje të ndryshoni jetën e tyre përgjithmonë,” shkroi ajo.

Cardi B ra dakord në shtator për një lirim me kusht, pikërisht kur çështja e saj do të shkonte në gjyq. Ajo u deklarua fajtore për dy akuza për kundërvajtje që rrjedhin nga përleshjet e gushtit 2018. Dhjetë akuza të tjera, duke përfshirë dy vepra penale, u hodhën poshtë. Dy të bashkëpandehurit gjithashtu pranuan fajësinë.

Në një deklaratë në atë kohë, Cardi B tha: “Një pjesë e rritjes dhe pjekurisë është të jesh përgjegjës për veprimet e tua. Si nënë, është një praktikë që po përpiqem ta rrënjos te fëmijët e mi, por shembulli fillon me mua. Unë kam marrë disa vendime të këqija në të kaluarën time që nuk kam frikë t’i përballoj dhe t’i pranoj. Këto momente nuk më përcaktojnë dhe nuk reflektojnë se kush jam tani.”

Sipas prokurorëve, Cardi B dhe shoqëruesi i saj synonin punonjësit e Angels Strip Club në Flushing, Queens, për një mosmarrëveshje të dukshme personale. Në një përleshje, u hodhën karrige, shishe dhe tuba nargjile, ndërsa grupi debatonte me një banakier. Ajo dhe një punonjës tjetër kanë marrë lëndime të lehta.

Në vitin 2019, Cardi B refuzoi një marrëveshje për pranimin e fajësisë që do t’i jepte asaj një lirim me kusht. Prokurorët më pas e paraqitën rastin para një jurie të madhe dhe morën një aktakuzë që përfshinte dy akuzat për krime.