Azerbajxhan, presidenti Aliyev fiton zgjedhjet me 92% të votave

Sipas rezultateve paraprake, Ilham Aliyev është rizgjedhur president i Azerbajxhanit me mbi 92 për qind të votave.

Kreu i Komisionit Qendror të Zgjedhjeve, Mazahir Panahov, njoftoi rezultatet paraprake të zgjedhjeve presidenciale, duke deklaruar se Aliyev siguroi 92,1 për qind të votave nga 54,47 për qind të votave të numëruara.

Rreth 6.5 milionë njerëz kishin të drejtë të votonin në zgjedhjet e mbajtura sot në Azerbajxhan, përfshirë ata jashtë vendit.

Kujtojmë se zgjedhjet e fundit presidenciale, të cilat mbahet çdo shtatë vjet, ishin më 11 prill të vitit 2018. Një dekret i nënshkruar nga Aliyev në fund të vitit të kaluar çoi vendin në zgjedhje përpara datës fillimisht të përcaktuar për në tetor të vitit 2025.