Kompania Apple po planifikon të ulë prodhimin e iPhone dhe AirPod për shkak të uljes së kërkesës të shkaktuar nga kriza në Ukrainë dhe rritja e inflacionit.

Kompania planifikon të prodhojë 20 për qind më pak iPhone ose rreth 2 milionë deri në 3 milionë njësi – tremujorin e ardhshëm sesa ishte planifikuar fillimisht. Në një raport thuhet se Apple gjithashtu ka reduktuar porositë e 2022-it për AirPods me më shumë se 10 milionë njësi.

Lajmi për kërkesë të dobët pasqyron parashikimet nga analistët, të cilët kanë paralajmëruar se bllokimet e COVID-19 në qytetet kineze dhe një rritje e inflacionit për shkak të konfliktit në Ukrainë mund të dëmtojnë kërkesën për smartphone këtë vit.

Apple, në veçanti, përballet me sfida nga mungesa e një përmirësimi të dizajnit për SE-në e fundit dhe një rritje prej 30 dollarësh në çmimin e saj nga modeli 2020, thonë analistët.

Një kompani tjetër të hënën uli vlerësimet e tij të dërgesës për iPhone SE këtë vit në mes 15 dhe 20 milionë njësi, nga 25 milionë në 30 milionë njësi më parë.

Apple pritet të publikojë një linjë të re iPhone këtë vit, por analistët thonë se ishte shumë herët për të parashikuar ndonjë ndikim në gamën e ardhshme.