Anija më e madhe e lundrimit në botë është përshkruar si një ‘qytet lundrues’ – dhe është pesë herë më e madhe se Titaniku.

Icon of the Seas lundroi në oqeanin e hapur për herë të parë javën e kaluar dhe thuhet se ka fituar tashmë 5 milionë paund para udhëtimit të saj të parë në janar.

Anija është me një tonazh bruto prej 250,800. Është shtëpia e parkut ujor më të madh në bord me një rrëshqitje me rënie të lirë.

Ajo gjithashtu ka 40 bare dhe restorante, një fushë mini-golfi dhe shesh patinazhi në akull dhe nëse kjo nuk mjaftonte, një ujëvarë prej 55 metrash. E projektuar për një turmë më të re, anija që ka kushtuar 1.5 miliardë paund ka gjithashtu një linjë zip mbi oqean, një mur për ngjitje shkëmbinjsh, fushë me pengesa, arcade dhe një bar karaoke.

Anija Royal Caribbean është 3 metër më e gjatë se mbajtësi aktual i rekordit, Wonder Of The Seas, dhe mund të transportojë deri në 7,600 pasagjerë dhe rreth 2,350 anëtarë të ekuipazhit.

Dhe nuk ndalet me kaq. Anija mban gjithashtu një ‘townhouse’ trekatëshe, e cila është kabina më e madhe në det.