Pamjet e frikshme tregojnë momentin kur një aeroplan që po luftonte zjarret e furishme në Greqi u rrëzua në një kodër.
Aksidenti ka ndodhur mbi qytetin Karystos në ishullin Evia pranë Athinës.
Nuk janë dhënë detaje mbi lëndimet e mundshme, por dyshohet se një pilot ka vdekur.
Avioni, i cili mendohet të jetë një mjet fluturues Canadair, u rrëzua në një kodër në ishull.
Më pas shpërthen në flakë.
Sipas mediave lokale, një helikopter është dërguar në shpatin e kodrës pas rrëzimit.
Në vendngjarje kanë shkuar disa autoambulanca.
Mijëra turistë janë evakuuar nga Greqia pasi zjarret e rrezikshme të përhapura nga erërat e forta vazhdojnë të shkatërrojnë vendin.
Deri në 10,000 turistë britanikë u prekën dhe një numër fluturimesh riatdhesimi i kanë kthyer ata në Britani.
Rreth 19,000 njerëz janë evakuuar në ishullin Rodos, me të paktën 2,500 njerëz të evakuuar nga Korfuzi.