AlbanianEnglish

A do të investojë shumë para Mark Zuckerberg në metaverse?

Mark Zuckerberg i tha botës tetorin e kaluar se ai ishte fokusuar i tëri në metaverse.

Tani që çmimi i aksioneve të kompanisë së tij është goditur në muajt e fundit, ai po e refuzon këtë retorikë.

Meta do të “ngadalësojë ritmin e disa prej investimeve tona” për shkak të “niveleve tona aktuale të rritjes së biznesit”, tha Zuckerberg për të ardhurat e kompanisë në tremujorin e parë.

Por regresi i pësuar nuk e ka ndalur Zuckerberg të shpenzojë  ende miliarda për ndërtimin e pajisjeve dhe softuerëve në metaverset.

Ai mendon se metaverse do të jetë një koncept po aq i madh sa edhe interneti celular.

Nëse biznesi i tij kryesor i mediave sociale të drejtuara nga reklamat do të rritej siç ishte në vitet e kaluara, investitorët mund t’i ishin përgjigjur pozitivisht Metas. Rregullatorët kanë bllokuar aftësinë e Zuckerberg për të bërë blerje të mëdha, transformuese në mediat sociale që mund të rifillojnë rritjen.

Është e qartë se, në afat të shkurtër, Zuckerberg beson se kopjimi i TikTok do të ringjallë rritjen e tij.

Ai tha të mërkurën se produkti video me formë të shkurtër të kompanisë, Reels, përbënte 20 për qind të kohës së shpenzuar në Instagram dhe se konsumi i videos ishte tashmë më shumë se gjysma e kohës së kaluar në Facebook.

You don't have permission to register