Kur temperaturat janë të larta, është e rëndësishme të ndërmerren hapa parandalues, për të shmangur pasoja të rënda shëndetësore, të tilla si goditja e nxehtësisë që mund të jetë edhe vdekjeprurës.Lagështia vetëm i përkeqëson gjërat, sepse e bën më të vështirë për trupin të ftohet.

Më poshtë do të lexoni disa metoda se si të parandaloni vapën ekstreme

1. Pini shumë ujë dhe kushtojini vëmendje urinimit.

Një nga veprimet më të rëndësishme që mund të bëni gjatë periudhave të nxehtësisë ekstreme është të pini ujë, shumë ujë. Uji ndihmon në rregullimin e temperaturës së trupit tuaj, duke e lejuar atë të ftohet kur ambienti bëhet më i ngrohtë. Uji i ftohtë është më i mirë, ndaj sigurohuni që të keni ujë në frigorifer. Sipas Kryqit të Kuq, duhet të synoni të pini të paktën 2.8 litër ujë në ditë.

Një mënyrë për të ndjekur konsumin adekuat të ujit është t’i kushtoni vëmendje urinës tuaj. Urina e pastër ose pak e verdhë do të thotë që po konsumoni shumë lëngje. Nëse urina juaj është e rrallë ose ka ngjyrën e lëngut të mollës, ju nuk jeni duke pirë ujë dhe lëngje mjaftueshëm. Dhe mbani mend se fëmijët dhe të moshuarit mund të dehidratohen lehtësisht, prandaj sigurohuni që kushdo në familjen tuaj që është më i ndjeshëm ndaj sëmundjeve të lidhura me nxehtësinë të pijë ujë mjaftueshëm.

2. Kondicionimi.

Njësitë e ajrit të kondicionuar në shtëpi janë një mënyrë e shkëlqyeshme për të mbajtur ambientin e ftohtë gjatë valëve ekstreme të nxehtësisë, por jo të gjithë kanë akses në një të tillë. Nëse nuk keni një kondicioner në shtëpi, mund të kaloni kohë në qendra tregtare, në biblioteka. Edhe disa orë të kaluara në temperatura të ftohta mund t’ju ndihmojnë të shmangni sëmundjen e nxehtësisë. Respektoni protokollet e shëndetit publik COVID-19 si distancimi social sa herë që është e mundur.

3. Anashkaloni gatimin.

Ruani ushqime që janë ose të gatshme për mikrovalë ose mund të hahen jashtë frigoriferit. Përdorimi i furrës ose sobës gjatë një vale të nxehtë mund të ngrejë temperaturat Brenda shtëpisë.

4. Mbani pajisjet elektronike personale të karikuara.

Nxehtësia ekstreme mund të shkaktojë ndërprerje të energjisë elektrike ose ndërprerje të vazhdueshme të furnizimit me energji elektrike ndërsa njerëzit ndezin kondicionerin. Nëse kjo ndodh, ju nuk dëshironi të mbeteni me një telefon ose pajisje tjetër pa bateri. Mundohuni ta mbani telefonin plotësisht të karikuar.

5. Qëndroni në kontakt me miqtë dhe familjen.

Nëse njerëzit në familjen ose rrethin tuaj shoqëror nuk kanë ajër të kondicionuar, jetojnë në një rajon me nxehtësi ekstreme ose kanë probleme shëndetësore që mund t’i bëjnë ata më të ndjeshëm ndaj sëmundjeve të lidhura me nxehtësinë, qëndroni në kontakt për të parë nëse kanë nevojë për ndonjë ndihmë. Kjo është veçanërisht e rëndësishme nëse ata janë të moshuar dhe jetojnë vetëm, pasi ne priremi të humbasim aftësinë për të rregulluar temperaturën e trupit ndërsa rritemi dhe simptomat e sëmundjes së nxehtësisë mund të mos jenë aq të dukshme.

6. Dilni jashtë herët ose vonë gjatë ditës.

Përpiquni të dilni herët në mëngjes ose vonë në mbrëmje për të shmangur temperaturat maksimale.

7. Vishuni lehtë

Veshjet e lirshme dhe të lehta, të bëra nga fibra natyrale, janë opsioni më i mirë për të qenë të freskët. Pantallona të shkurtra, bluza me ngjyra të çelura prej pambuku ose liri mund t’ju ndihmojnë të rregulloni temperaturën e trupit. Poliesteri dhe materialet e tjera sintetike nuk do t’ju bëjnë të djersiteni, por nuk do të lejojnë që djersa të avullojë dhe rrezikoni të ftoheni. Ndërsa veshjet më të errëta mund të thithin nxehtësinë, e cila është gjëja e fundit që dëshironi të ndodhë.

8. Mbani një sy në sjelljen e kafshëve tuaja shtëpiake.

Qentë freskohen duke gulçuar, por nuk janë gjithmonë në gjendje të mbajnë temperaturat ekstreme. Nëse kafsha juaj duket e dëshpëruar dhe e paaftë ose nuk dëshiron të lëvizë, ajo mund të jetë duke vuajtur nga nxehtësia. Duhet ta çoni menjëherë te një veteriner.

9. Njihni simptomat e sëmundjeve të lidhura me nxehtësinë.

Toleranca ndaj nxehtësisë e të gjithëve ndryshon, por ekspozimi i zgjatur ndaj temperaturave ekstreme mund të fillojë t’ju bëjë të ndiheni të sëmurë. Lodhja nga nxehtësia tregohet nga simptoma si djersitje e madhe, dobësi dhe probleme me tretjen. Tërheqja në një zonë të freskët, pushimi dhe pirja e shumë lëngjeve ndihmojnë në zbutjen e tyre.

*Tibo News