Gati 90% e njerëzve në Henan, provinca e tretë më e populluar e Kinës, tashmë janë infektuar me Covid. Lajmin e konfirmojnë zyrtarë shëndetësore të zonës, të cilët thonë se rreth 88.5 milionë njerëz janë të prekur nga virusi.

Kina po lufton me një rritje të paprecedentë të rasteve pasi braktisi politikat zero-Covid në muajin dhjetor.

Lëvizja pasoi protesta të rralla kundër bllokimeve, karantinave dhe testeve masive. Politika e mëparshme e Kinës me zero-Covid i mbajti rastet në minimum, dhe tashmë ka të ngjarë që shumica dërrmuese e infeksioneve në Henan të kenë ndodhur në javët e fundit.

Vizitat në klinikat në provincën Henan arritën kulmin më 19 dhjetor.

Shifrat e provincës Henan janë në kontrast të plotë me shifrat e Covid nga qeveria qendrore.

Sipas të dhënave zyrtare, vetëm 120,000 njerëz në vendin me 1.4 miliardë banorë janë infektuar dhe 30 kanë vdekur që nga ndryshimi i politikës së Covid.

Ndërkohë të dielën, autoritetet raportuan tre vdekje nga Covid në territorin e Kinës, një më shumë se një ditë më parë.

Megjithatë, me përkufizimin e vdekjeve nga Covid dhe testimin masiv që nuk është më i detyrueshëm, të dhënat e qeverisë nuk reflektojnë më shkallën e vërtetë të shpërthimit të virusit.

Zyrtarë të tjerë lokalë dhe provincialë kanë treguar gjithashtu të dhëna shumë të ndryshme nga ato të qeverisë qendrore. Në prag të Krishtlindjeve, një zyrtar i lartë shëndetësor në qytetin port të Qingdao raportoi se gjysmë milioni njerëz po infektoheshin çdo ditë. Këto shifra të rastit u hoqën me shpejtësi nga raportet e lajmeve.

Ndërkohë zyrtarët kinezë të shëndetësisë thanë se nuk do të përfshinin ilaçin antiviral Covid të Pfizer Paxlovid në skemat e tij bazë të sigurimit mjekësor si rezultat i çmimit të lartë të cituar nga firma amerikane.

Ilaçi, i mbuluar përkohësisht nga skema e gjerë e sigurimit të kujdesit shëndetësor të Kinës deri më 31 mars, ka parë një rritje të kërkesës që kur rastet e Covid në Kinë u rritën muajin e kaluar.

Pfizer do të vazhdojë të bashkëpunojë me qeverinë kineze dhe të gjithë aktorët përkatës për të “siguruar dhe furnizim adekuat” të ilaçit në Kinë, njoftoi kompania në një deklaratë.

Të dielën, Pekini hoqi gjithashtu karantinën e detyrueshme për të gjithë mbërritjet ndërkombëtare dhe hapi kufirin e tij me Hong Kongun.

Në valën e parë të udhëtimeve para festave, të dhënat zyrtare treguan se 34.7 milionë njerëz udhëtuan brenda vendit të shtunën. Kjo përfaqësonte një rritje prej më shumë se një të tretën krahasuar me vitin e kaluar, sipas mediave shtetërore.

Infeksionet pritet të rriten ndërsa vendi feston Vitin e Ri Hënor më vonë këtë muaj, me miliona që pritet të udhëtojnë nga qytetet e mëdha për të vizituar të afërmit.

Në përgjithësi, më shumë se dy miliardë udhëtime individuale pritet të ndodhin.

Gjithçka duhet të dini për variantin e ri të Covid, ‘Kraken’

*Tibo News