Gjashtë pacientë me tumor malinj në Kanada morën psilocybin-ën e parë të prodhuar legalisht në vend, përbërësi psikoaktiv që gjendet në kërpudhat “magjike”, sipas rregullave të reja për aksesin në substancë.

Health Canada ndryshoi rregullat e saj në janar, në mënyrë që mjekët të mund të kërkonin akses në substancën ‘psilocybin’ të prodhuar për pacientët me sëmundje kronike, si pjesë e një programi të veçantë aksesi. Psilocybin-a ishte e paligjshme në vend, por ka treguar përmirësim gjatë trajtimit të ankthit tek njerëzit me sëmundje vdekjeprurëse, si kanceri.

Njerëzit lejoheshin më parë të aplikonin psilocybin-ën, por nuk kishte asnjë kornizë për të aksesuar barnat e prodhuara në mënyrë profesionale. Kjo do të thoshte se ata duhej të rritnin kërpudhat ose të merrnin substancën nga shpërndarës të palicencuar.

Sipas rregullave të reja, pacientët e miratuar përmes programit të aksesit special të Health Canada mund të kenë akses në një version të krijuar nga njeriu të psilocybin nga një tregtar i licencuar i miratuar nga rregullatori. Ndërsa trajtimi synon të përmirësojë simptomat, ai nuk trajton kancerin.