Shumica prej nesh i kujtojnë ato filma ku familjet perfekte hanë mëngjes së bashku. Rezulton se duhet ta bëjmë edhe ne këtë dhe jo sepse ka qenë një traditë e vjetër, por të ngrënit së bashku ka përfitime të shumta për fëmijët. Një vakt familjar mund të rregullojë pothuajse çdo gjë (ndoshta jo menjëherë, por patjetër do të sjellë përfitime më vonë).

1. Fëmijët mësojnë sjellje të mira

Fëmijët imitojnë sjelljen e prindërve të tyre kur hanë së bashku. Prindërit mund të shfrytëzojnë mundësinë për të treguar se si të sillen siç duhet gjatë ngrënies. Përveç kësaj, aftësitë sociale dhe komunikuese mund të mësohen edhe përmes vakteve familjare.

2. Ata kanë performancë më të mirë në shkollë

Fëmijët që hanë me prindërit e tyre marrin nota më të mira se ata që hanë vetëm. Kjo ndoshta sepse vaktet që shërbejnë prindërit kanë më shumë vlera ushqyese dhe për rrjedhojë japin më shumë vitamina. Për më tepër, diskutimi i problemeve në shkollë i inkurajon fëmijët që t’i trajtojnë problemet në mënyrë më efikase dhe të përshtatshme.

3. Fëmijët hanë ushqim të shëndetshëm

Si rregull, të ngrënit së bashku çon në zgjedhje më të shëndetshme ushqimore. Ngrënia larg shtëpisë, nga ana tjetër, nxit zakone më të këqija të të ngrënit. Fëmijët që hanë ushqime të shëndetshme dhe ushqyese pranë prindërve të tyre kanë më pak gjasa të jenë obezë në vitet e adoleshencës.

4. Ata shprehen më shumë

Një mbledhje familjare e rehatshme dhe komode i ndihmon fëmijët dhe adoleshentët të flasin më hapur për ndjenjat e tyre. Një studim zbuloi se të rinjtë kanë komunikim më të mirë me prindërit kur flasin gjatë një vakti ushqimor. Secili anëtar ndan një pjesë të jetës së tij, duke krijuar kështu një lidhje më të fortë familjare.

5. Vetëvlerësimi i tyre përmirësohet

Të ngrënit së bashku krijon një ndjenjë përkatësie. Përqendrimi në bisedë dhe të ngrënit me kujdes mund t’i gëzojë fëmijët. Ai gjithashtu rrit vetëvlerësimin për shkak të angazhimit social për të cilin fëmijët dhe adoleshentët kanë shumë nevojë. Adoleshentët përfundojnë duke qenë më pak të dëshpëruar, pasi është më e lehtë të shprehen ndërsa ndajnë ushqimin me të afërmit apo të dashurit e tyre.

6. Fëmijët rriten

Prindërit mund t’i përfshijnë fëmijët e tyre në përgatitjen e vaktit. Bërja e blerjeve ushqimore, planifikimi i vakteve ose gatimi i tyre është një mënyrë e shkëlqyer për t’i mësuar fëmijët tuaj të jenë më të pavarur. Përveç kësaj, do t’i ndihmojë ata të jenë më të kujdesshëm me paratë dhe do t’i lejojë ata të mësojnë se cilat lloje ushqimesh duhet të zgjedhin.