5 ushqime që ndihmojnë në ruajtjen e niveleve të sheqerit në gjak

Qendra për Parandalimin dhe Kontrollin e Sëmundjeve në SHBA tregon se mbi 34 milionë të rritur amerikanë vuajnë nga diabeti. Sheqeri i lartë në gjak ose hiperglicemia mund të shkaktojë komplikime shëndetësore afatgjata si sëmundje kardiovaskulare, dëmtime nervore, infeksione të mishrave të dhëmbëve dhe madje edhe probleme me syrë. Hiperglicemia gjithashtu mund të dëmtojë enët e gjakut, duke rritur kështu gjasat për sëmundje të zemrës, goditje në tru dhe sëmundje të veshkave.
Për shkak se 1 në 3 të rritur ka para-diabet (shumica prej të cilëve nuk e dinë), të gjithë mund të përfitojmë nga nivelet më të ulëta të glukozës për të ndihmuar në humbjen e peshës, uljen e presionit të gjakut dhe përmirësimin e shëndetit të përgjithshëm.
Por si të filloni?

Një mënyrë është duke rimenduar zakonet e të ngrënit.

Këtu janë pesë ushqime që mund të bëjnë diferencën.

Frutat e pyllit: Ofrojnë fibra dhe antioksidantë të njohur për uljen e sheqerit në gjak dhe inflamacionin. Studimet kanë zbuluar se frutat e pyllit reduktojnë komplikimet e diabetit si sëmundjet e veshkave dhe dëmtimet nervore. Një studim në Obesity zbuloi se me rritjen e numrit të frutave të pyylit, mes tyre boronica, manaferra etj, rezistenca ndaj insulinës zvogëlohej. Studime të tjera sugjerojnë se kombinimi i tyre mund të ulë gjithashtu sheqerin në gjak.

Frutat e thata: Mos hiqni dorë nga bajamet, lajthiat, stikat dhe arrat. Në një studim të kryer së fundmi, rezultoi se gratë shtatzëna në rrezik për diabetin gestacional kishin sheqer më të ulët në gjak pasi kishin ngrënë stika kundrejt grupit që konsumonte bukë gruri. Megjithatë, një çerek filxhani me arra në ditë mund të ulë rrezikun e BMI-së dhe diabetit edhe nëse nuk e prisni.

Zarzavatet: Produktet si spinaqi janë me kalori të ulët dhe të mbushura me magnez, gjë që është e mirë sepse magnezi ul rrezikun për diabetin e tipit 2. Lakra apo zarzavatet jeshile ofrojnë vitamina A, C, E, kalcium dhe hekur. Zarzavatet gjithashtu përmbajnë kalium, i cili është i dobishëm sepse vitamina K relakson enët e gjakut dhe ul presionin e gjakut. Fibrat në perime mund të përmirësojnë gjithashtu nivelet e glukozës.

Perimet: Edhe nëse nuk ju pëlqen lakra, zgjedhjet e tjera të perimeve duhet të jenë në tryezë. Shoqata Amerikane e Diabetit rekomandon që gjatë vakteve të mbushni gjysmën e pjatës tuaj me perime, të tilla si shparagu, brokoli, bishtajat, kungujt dhe kërpudhat. Megjithatë, shoqata paralajmëron se nëse blini perime të ngrira ose të konservuara, blini versionin “pa kripë të shtuar” ose shpëlajeni natriumin nga produkti.

Drithërat: Tërshëra dhe drithërat e tjera janë të mbushura me folate, krom, vitamina B dhe magnez. Përveç kësaj, këto ushqime janë të larta në fibra të tretshme më pak sheqer se karbohidratet e tjera, duke bërë një zgjedhje që mund të ulë kolesterolin. Provoni tërshërë, në vend të drithërave të ëmbla. Karbohidratet e thjeshta mund të shkaktojnë diabet, sëmundje të zemrës dhe obezitet.

*Tibo News