Muskujt qendror të trupit tonë janë: muskujt abdominal, muskujt oblik, muskujt e fundshpinës dhe muskujt gluteal. Ky grup muskujsh është i rëndësishëm për shëndetin dhe qëndrimin tonë. Kur ata janë të fortë dhe funksionojnë siç duhet, do të keni më pak dhimbje shpine, qëndrim më të mirë dhe do të lëvizni më me lehtësi. Por si ta dini nëse i keni këta muskuj të shëndetshëm?

Këtu janë pesë shenja dhe pesë mënyra si t’i trajtoni nëse keni problematika të tilla.

Keni dhimbje shpine

Efekti anësor më i zakonshëm i muskujve qendror të dobët është dhimbja e shpinës. Detyra e tyre është të mbështesë shtyllën kurrizore dhe të veprojë si qendra nga e cila burojnë të gjitha lëvizjet. Nëse këta muskuj nuk janë të kushtëzuar siç duhet (nëse nuk angazhohen kur duhet), shtylla kurrizore është në rrezik për tu mbingarkuar.

Çfarë mund të bësh? Kur bëhet fjalë për dhimbjen e shpinës, është vërtet e rëndësishme që të flisni me një mjek apo fizioterapist. Mos e neglizhoni si diçka të rastësishme pasi pa pasur asistimin e nevojshëm, ju mund ta përkeqësoni gjendjen tuaj.

Keni ekuilibër të dobët

Besoni apo jo, nuk janë vetëm këmbët dhe kyçet tuaja që ju ndihmojnë të ekuilibroni. Muskujt tuaj qendror luajnë një rol të madh edhe në këtë. Këta muskuj rrethojnë legenin tuaj dhe ndihmojnë në stabilizimin e tij. Nëse ata muskuj janë të dobët, veçanërisht ijët, padyshim që ekuilibri juaj do të ndikohet.

Çfarë duhet bërë? Nëse praktikoni ushtrime ekuilibri, mos shpresoni vetëm për magji. Përqendrohuni në mënyrë aktive në lidhjen midis këmbës suaj dhe muskujve tuaj qendror. Nëse keni vështirësi me këtë, atëherë është mirë të punoni me një ekspert që mund t’ju ndihmojë.

Postura ‘pikëpyetje’

Nëse jeni duke luftuar për të mbajtur posturë të drejtë mund të keni muskuj qendror të dobët.

Çfarë mund të bëni? Mundohuni t’i përdorni sa më shumë muskujt qendror dhe do të shini se si automatikisht qëndrimi juaj do të rregullohet. Sa më shumë të jenë mësuar të aktivizohen këta muskuj dhe të punojnë, aq më shumë ka të ngjarë që ata të veprojnë natyrshëm kur jeni në këmbë apo ulur. Me kalimin e kohës, do të bëhet më e lehtë për të mbajtur qëndrim të mirë dhe me shumë më pak përpjekje.

Keni dhimbje këmbësh dhe kyçesh

Nëse keni muskuj qendror të dobët, muskujt dhe nyjet tuaja të jashtme do të vuajnë. Nëse muskujt nuk funksionojnë për t’ju ndihmuar të qëndroni drejt, këmbët tuaja do të duhet të punojnë më shumë, duke rezultuar në sforcim të indeve në fund të këmbëve.

Nëse muskujt e mesit nuk mund t’ju mbështesin kur jeni duke shtyrë ose tërhequr diçka, kyçet e duarve tuaja do të marrin pjesën më të madhe të peshës dhe kjo mund të rezultojë në ngurtësi ose dhimbje me kalimin e kohës.

Çfarë duhet bërë? Nëse jeni përpjekur të zgjidhni dhimbjen e këmbës ose të kyçit të dorës për një kohë dhe nuk po merrni rezultatet që keni shpresuar, merrni parasysh ta zhvendosni fokusin tuaj në stërvitjen thelbësore të muskujve qendror. Diçka si Pilates mund t’ju ndihmojë ta arrini këtë, me kusht që të punoni me një instruktor shumë të aftë. Pilates është krijuar posaçërisht për të forcuar muskujt qendror në mënyrë që të shtojë fuqinë totale të trupit.

Keni probleme me frymëmarrjen gjatë aktiviteteve fizike

Muskujt qendror përbëhen pjesërisht edhe nga diafragma, e cila është muskuli kryesor i frymëmarrjes. Kur muskujve qendror u mungon stabiliteti, ose në shumicën e rasteve, nuk di se si të angazhohet në mënyrën e duhur, diafragma juaj do të tkurret për të kompensuar. Një nga shenjat më treguese se kjo po ndodh është se ju gjithmonë e mbani frymën gjatë stërvitjes.

Çfarë mund të bësh? Filloni të ushtroheni. Mos harroni të merrni frymë gjatë një ushtrimi ose lëvizjeje. Ju madje mund të numëroni me frymë në mënyrë që ta ushtroni më mire. Merrni parasysh që të kërkoni ndihmën e ekspertëve nëse keni sërish vështirësi.