Me gjasë ju ka rënë të shikoni 7 mrekullitë e botës, nëse jo nga afër, me anë të fotografive.

Për fat të mirë, numri i këtyre thesareve nuk kufizohet me 7, thesaret nën det, mbi të, në male, shpella apo rrugë, janë të shpërndara në mbarë botën pavarësisht se nuk njihen nga të gjithë.

Më poshtë do të gjeni disa fotografi të këtyre dukurive mahnitëse të natyrës.

 

• Tuneli i dashurisë

Jashtë qytetit të Klevanit, një kompani hekurudhore përfitoi nga peizazhi i bukur i zonës duke ndërtuar hekurudhën e tyre brenda një tuneli të bërë me degë pemësh dhe gjelbërim.

Çuditërisht, vendi është i popullarizuar me të dashuruar, të rinj e të vjetër.

 

• Liqeni Hillier

Jashtë bregut perëndimor të Australisë është Liqeni Hillier, një liqen me ngjyrë rozë të ndezur, që është i arritshëm vetëm nga ajri ose deti. Edhe pse arsyeja e saktë e ngjyrës së saj është e panjohur, shumë besojnë se është shkaktuar nga algat mikroskopike.

Ashtu si liqenet e tjerë rozë, ai dalëngadalë po humbet ngjyrën e tij për shkak të aktivitetit njerëzor dhe uljes së nivelit të kripës.

Projektet e restaurimit janë duke u eksploruar, megjithëse liqeni nuk është i hapur për turizmin.

 

• Plazhet që shkëlqejnë

Ju padyshim keni parë plazhe, po a keni parë ndonjëherë foto të plazheve kaq të bukura sa të duken sikur shkëlqejnë?

Epo, ata mund të kenë shkëlqyer me të vërtetë.

Shumë plazhe janë plot me fitos, të cilat janë bimë mikroskopike.

Disa prej tyre, të quajtura fitoplankton, janë biolumineshente, të cilat bëjnë që plazhet dhe uji përgjatë vijës bregdetare të shkëlqejnë.

 

• Aurora Borealis

Kushdo që e ka parë Aurora Borealis e di se ajo pamje është aq mahnitëse sa duket se i përket një bote tjetër.

E njohur gjithashtu edhe si “Dritat Veriore”, ky fenomen ndodh kur grimcat që përplasen, janë të ngarkuara nga dielli.

 

• Shpella e Liqenit Kristal

Australia është shtëpia e disa prej shpellave më yjore në botë, duke përfshirë Shpellën e Liqenit Kristal.

Kjo është një mrekulli nëntokësore e zbuluar në 1868 në një ekspeditë minerare.

Shpella ka kristale vezulluese që varen nga muret dhe tavanet e saj, disa prej të cilave pikojnë deri në dyshemenë e shpellës.

 

*Tibo News