Në ditët e nxehta të verës, një nga mënyrat më të mira për të përballuar gjithë këtë, është vizita nëpër filma të ndryshëm.

Duke qenë se jemi në muajin korrik, kemi disa nga filmat që mund të shihni, që dalin pikërisht këtë muaj.

 

The Good Boss

Komedia e zezë e Fernando León de Aranoa, zhvilluar në vendin e punës u nominua për një rekord prej 20 Goya (ekuivalenti spanjoll i Oscars), dhe në shkurt fitoi gjashtë prej tyre, duke përfshirë filmin më të mirë, regjinë më të mirë dhe një për Javier Bardem në kategorinë e aktorit më të mirë.

Bardem luan Blanco-n, CEO i një kompanie që prodhon pajisje industriale të peshimit. Atij i pëlqen të shihet si shef i mirë, bujar, i drejtë dhe mik për të gjithë.

Por kur fabrika e tij nominohet për çmimin e Ekselencës së Biznesit, Blanco është i vendosur të heqë qafe çdo punonjës që mund të njollosë imazhin e tij.

“Është një komedi, por nuk ka shumë për të qeshur. Është satira më e zezë, lloji në të cilin një fytyrë e qeshur fsheh një zemër monstruoze”, thotë Paul Byrnes në Sydney Morning Herald.

 

The Gray Man

Anthony dhe Joe Russo, vëllezër dhe bashkëregjisorë të dy filmave të fundit të Captain America dhe filmave Avengers, ribashkohen me vetë Captain America, Chris Evans, për përshtatjen e tyre të romanit më të shitur të Mark Greaney-t kundër spiunimit.

Evans është zuzar këtë herë, një ish-agjent psikopat i CIA-s, i cili lidh një kontratë me ish-kolegun e tij misterioz, të luajtur nga Ryan Gosling.

Filmi më i shtrenjtë i Netflix deri më sot, “The Gray Man” mund të duket se përbëhet nga dy burra (dhe një grua tërheqëse, Ana de Armas) që në përmbajtje kanë të shtëna me armë zjarri, ndjekje makinash dhe zënka me grushte në Pragë, por pavarësisht kësaj ka një mesazh.

Vënia e rëndësisë së autoritetit në pikëpyetje.

“Jini skeptikë për motivet e autoritetit! Kur ata pretendojnë se janë në anën e së drejtës si një justifikim për të zotëruar më shumë pushtet dhe për të justifikuar dhunën ekstreme “- tha Joe Russo.

Publikohet në Netflix më 22 korrik.

 

Thor: Love and Thunder

“Thor: Ragnarok” ishte ndoshta më argëtuesi nga të gjithë blockbusterët e superheronjve të Marvel-it, por regjisorja e tij, Taika Waititi, e ka ngritur vëmendjen për vazhdimin e tij, “Thor: Love & Thunder.”

Për këtë film duket sikur janë pyetur një grup 10-vjeçarësh se çfarë duhet të ketë në të dhe më pas është thënë “Po” për gjithçka.

Chris Hemsworth kthehet si Thor i fuqishëm, megjithatë ai ka hequr dorë nga të qenit një superhero.