Në Cantiano, një fshat afër rajonit fqinj Umbria, banorët po pastronin baltën nga rrugët, treguan pamjet, pasi ujrat kishin përfshirë disa qytete duke lënë një gjurmë makinash të bllokuara dhe të dëmtuara.

“Dyqani im i frutave është kthyer përmbys,” tha Luciana Agostinelli, një banore vendase.

Rreth 400 milimetra shi ranë për dy-tre orë, tha agjencia e mbrojtjes civile, një e treta e sasisë që zakonisht bie në një vit.

“Ishte si një tërmet,” tha, kryebashkiaku i Serra Sant’Abbondio, një fshat tjetër i goditur nga përmbytjet.

Kreu i agjencisë kombëtare të mbrojtjes civile, Fabrizio Curcio, u takua me autoritetet lokale në kryeqytetin e Marche, Ankona, për të vlerësuar dëmin, ndërsa shefat e partive që bënin fushatë për zgjedhjet e 25 shtatorit në Itali shprehën solidaritetin e tyre.

Pamjet e publikuara nga brigadat e zjarrfikësve treguan shpëtimtarët në gomone duke u përpjekur të evakuonin njerëzit në qytetin bregdetar të Senigallia, ndërsa të tjerët u përpoqën të pastronin një nënkalim nga mbeturinat.

Paola Pino d’Astore, një eksperte në Shoqërinë Italiane të Gjeologjisë Mjedisore (SIGEA), tha se përmbytjet ishin për shkak të ndryshimeve klimatike dhe nuk ishin të lehta për t’u parashikuar.

“Është një fenomen i pakthyeshëm, një shije se cila do të jetë e ardhmja jonë,” tha ajo.

Rreth 300 zjarrfikës po operojnë aktualisht në zonë dhe kanë shpëtuar dhjetëra njerëz që ishin ngjitur në çati dhe pemë gjatë natës për t’i shpëtuar përmbytjeve, tha brigada e zjarrfikësve.

Stefano Aguzzi, kreu i mbrojtjes civile në qeverinë rajonale të Marche, tha se reshjet ishin shumë më të forta se sa ishte parashikuar.

“Na u dha një alarm normal për shi, por askush nuk e kishte pritur diçka të tillë,” u tha ai gazetarëve.

Enrico Letta, kreu i Partisë Demokratike të qendrës së majtë, tha se do të pezullojë fushatën në Marche “në shenjë zie” dhe do të lejojë aktivistët e saj lokalë të marrin pjesë në përpjekjet për të ndihmuar komunitetet e goditura nga përmbytjet.

 

*TiboNews