Faza e adoleshencës së fëmjëve mund të jetë një periudhë e vështirë për të dy palët. Ekspertët e konsiderojnë një nga periudhat apo fazat më të vështira të jetës, për shkak të ndërtimit të personalitetit por edhe nxitjes nga faktorë të brendshëm e të jashtëm të jetës së përditshme, ndryshime fizike dhe spirituale etj.

Për prindërit çështja më e vështirë është sjellja dhe reagimi në lidhje me fëmijët e tyre adoleshentë. Duhet të tregohen më dominantë? Më të qetë? Më tolerantë? Për të kaluar këtë periudhë me më pak stres dhe shqetësime,  merrini në konsideratë këto 10 këshilla të rëndësishme për prindërimin e një adoleshenti.

1- Dëgjojeni fëmijen tuaj– Për të kuptuar më mirë ndjenjat dhe emocionet që po përjeton fëmija juaj në fazën e adoleshencës, dëgjojeni me vëmendje, pa e kritikuar dhe pa bërë gjykime. Kjo mund të ndihmojë në ndërtimin e besimit të tyre tek ju dhe ta bëjë atë të ndihet më mirë dhe më i sigurt.

2- Bisedoni me fëmijen tuaj– Gjeni kohën për të biseduar me fëmijën tuaj për atë që po ndodh në jetën e tyre. Kjo mund të ndihmojë për të ndërtuar një marrëdhënie të hapur dhe të sinqertë me fëmijën tuaj.

3- Vendosni kufij të qartë- Vendosja e kufijve për fëmijën tuaj mund të ndihmojë në zhvillimin e tij të sigurt dhe të shëndetshëm. Duhet të siguroheni që fëmija juaj të kuptojë kufijtë dhe arsyet se pse i keni vendosur kufij në disa gjëra apo aktivitete që janë ndoshta të rrezikshme për ta.

4- Vendosni rregulla për jetesën brenda mureve të shtëpisë– Këto rregulla mund të ndihmojnë në ruajtjen e rendit dhe të disiplinës në shtëpi. Vendosni rregulla të qarta dhe që të ndiqen. Ky rregull mund të përfshijë orarin kur fëmija juaj adoleshent duhet të kthehet në shtëpi.

5- Ndihmoni fëmijën tuaj adoleshent për të marrë vendime- Lejojeni atë që të marë pjesë në vendime të ndryshme dhe të ndjekë pasionet. Kjo mund të ndihmojë në ndërtimin e besimit dhe të vetëvlerësimit për veten e tyre.

6-Përqendrohuni tek pozitiviteti- Ndihmoni fëmijën tuaj që të jetojë në një ambient me energji pozitive, të ndihet i suksesshëm duke e nxitur me lavdërime për arritjet e tyre hap pas hapi, por në format dhe dozën e duhur. Kjo e ndihmon atë për të ndërtuar vetëbesimin.

7- Përcillni dashuri- Tregoni dashuri dhe përkushtim ndaj fëmijës tuaj adoleshent. Kjo e ndihmon atë në ndërtimin e një marrëdhënieje të fortë, të shëndetshme dhe të besueshme.

8-Kuptojeni nëse po ndjen stres për diçka të caktuar- Duhet të kuptoni që adoleshenca është edhe një fazë stresuese për fëmijën tuaj. Duhet të ofroni sa më shumë mirëkuptim, mbështetje dhe këshilla nëse ai/ajo ndihet i shqetësuar apo i stresuar për ndryshimet që po i ndodhin. Kjo mund të përfshjë edhe situatat në shkollë, provimet, zënkat me shokët etj. Ata duhet të kuptojnë se ndjesi të tilla janë normale dhe ka shumë mënyra për ta trajtuar.

9- Nxisni pjesëmarrjen e tyre në aktivitete të shëndetshme dhe pozitive– Nxiteni fëmijën tuaj të marrë pjesë në aktivitete sportive, arti, apo kreative. Kjo i ndihmon ata në ndërtimin e vetëbesimit dhe zhvillimit të aftësive të reja.

10- Qëndroni të lidhur me ta– Marrëdhënia juaj me fëmijën adoleshent duhet të jetë konstante, e hapur dhe e ndjekshme. Mos harroni se ju jeni mbështetja më e madhe për fëmijën tuaj dhe ka nevojë për këshillat tuaja, që të ndjejë lirinë dhe vetëvlerësimin. Qëndroni të gatshëm për të ndihmuar fëmijën tuaj në çdo situatë dhe adoleshenca është një nga ato ‘situatat’ që duhet superuar. Në fund të fundit, në këtë periudhë, më i ndjeshmi është fëmija juaj adoleshent.

*Tibo News